1 sa NPA, huli sa Quezon
GEN. LUNA, Quezon – Arestado ang isang pinaghihinalaang miyembro ng New People’s Army (NPA) at nasa Top 1 most wanted person dahil sa kinakaharap na patung-patong na kasong kriminal sa nasabing bayan, kamakailan.
Ayon kay Quezon Police Provincial Office director Colonel Audie Madrideo, ang suspek ay nakilalang si Hilario Evangelista De Roxas, alyas ‘Mando’, 56, at taga-Bgy. San Vicente Kanluran, Catanauan, Quezon.
Naaresto ito ng pinagsanib na puwerswa ng militar at pulisya sa Bgy. Sumilang, ng naturang bayan.
Kinumpirma ni Madrideo na may standing warrant of arrest si de Roxas sa mga kasong double murder at multiple attempted murder na nakabinbin ngayon sa sala ni Judge Ma. Chona Pulgar Navarro, ng Regional Trial Court Branch 63 at 61 sa Calauag, Quezon.
Gayundin, habang isinasagawa ng pagsisiyasat sa kanya, ipinatupad din ng pulisya at militar ang isan pang warrant of arrest sa kasong rebelyon,
Under custody na ng pulisya si de Roxas.