Motorsiklo, gagawing pampasahero

Maaari nang ibiyahe ang mga motorsiklo sa lansangan at gawing pampasahero matapos na irekomenda ito ng Senate committee on public order and local government na sinuportahan naman ng 16 senador.

“We are inching closer to having a law that will make motorcycle taxis a part of our public transportation system,” ani Senador Grace Poe, pinuno ng public services panel.

Sa nasabing hakbang, kailangan lamang na mas mababa sa 1,000 kilo ang timbang ng motorsiklo at may 50 kilometrong bilis bawat oras, at 125 cubic centimeters at backbone type.

Dapat din itong rehistrado sa Land Transportation Office, (LTO) at maaring upahan sa pamamagitan ng online service.

Kailangan din na makakuha ng “certificate of public convenience o special permit galing sa Land Transportation Franchising and Regulatory Board (LTFRB).

Kabilang ang motorcycle taxis sa public utility automobiles, kasama ang public utility trucks, taxis at autocalesas, garage automobiles, hire trucks.