Kelot, tepok sa pamamaril
Isang lalaki ang nasawi nang paulanan ng bala ng mga hindi pa nakikilalang salarin sa Barangay Bagong Silang, Mandaluyong City kamakalawa ng hapon.
Dead on the spot ang biktimang si Vergilio Soriente, alyas ‘John John,’ 47, ng 140 Neptali Gonzales Street, Hagdan Bato Itaas, Bgy. Bagong Silang.
Sa ulat ng Mandaluyong City Police Station, naglalakad ang biktima sa panulukan ng Sen. Neptali Gonzales Street at P. Queta Street, nang bigla na lamang lapitan at pagbabarilin ng mga hindi pa nakikilang salarin, dakong 4:30 ng hapon.
Kaagad na binawian ng buhay ang biktima dahil sa mga tama ng bala sa katawan.
Tumakas ang mga salarin matapos ang insidente.
Patuloy pang iniimbestigahan ng pulisya ang kaso.