Menor de edad, 1 pa kulong sa droga
Isang lalaki at kasama nitong babaeng menor de edad ang dinakma ng mga pulis sa ikinasang buy-bust operation sa Pasay City,kamakalawa ng gabi.
Nakakulong na sa Pasay City Police ang suspek na si Jonathan Dozado, alyas ‘Atan’,25 ,habang nakatakdang iturn-over sa Pasay City Youth Homes sa ilalim ng pangangalaga ng Department of Social Welfare and Development ang kasama nitong si alyas ‘Felis’,16, estudyante.
Sa ulat, nagkasa ng buy-bust operation ang mga tauhan ng Station Drug Enforcement Unit (SDEU) sa pangunguna ni Cpt. Deni Mari Pedrozo sa No. 2196 Tramo Street,Barangay 118 sa Pasay City,dakong 11:50 ng madaling araw.
Magkasabwat umano ang dalawang suspek nang bentahan ng droga ang isang poseur buyer sa lugar na nagin g dahilan ng pagkakaaresto ng nga ito.
Nakumpiska sa mga suspek ang tatlong pakete na naglalaman ng hinihinalang shabu na nagkakahalaga ng P61,200.00; itim na leather pouch; digital weighing scale at buy-bust money.
Sasampahan ng kasong Comprehensive Dangerous Drugs Act of 2002 sa Pasay Prosecutor’s Office ang dalawa.