China, naging transparent sa virus response: UN envoy

UNITED NATIONS, United States (AFP) – Naging transparent ang China sa paghawak sa outbreak ng bagong coronavirus at sa ‘’highly responsible’’ na paraan, iginiit ng UN ambassador ng bansa nitong Miyerkules, kasunod ng mga batikos na hindi kaagad kumilos ang mga lokal na awtoridad.

Simula nang lumutang sa central province ng Hubei nitong Diyembre, ang COVID-19 virus ay pumatay na ng mahigit 1,350 katao at nahawaan ang libu-libo.

Mayroon nang mahigit 500 infections sa halos 30 bansa at mga teritoryo sa labas ng mainland China, kabilang ang dalawang namatay.

‘’Facing the epidemic, we have always adopted an open, transparent and highly responsible attitude,’’ sinabi ni Chinese United Nations Ambassador Zhang Jun sa UN Commission for Social Development.

‘’We have reported the epidemic information to the WHO, the relevant countries, and Hong Kong, Macau and Taiwan regions as soon as it is available, shared the genetic sequences of the virus, actively communicated with other countries in order to come up with responses,’’ aniya.

‘’Not only for the sake of China, but also the world, we have adopted rigorous prevention and control measures... effectively curbing the spread of the epidemic,’’ sabi pa ni Zhang.

Kinondena ng mundo ang China sa pagtatakip sa mga kaso noong 2002-03 SARS outbreak.