Matatanda sa cruise ship, pauunahing bumaba
TOKYO (Reuters, AFP) – Pahihintulutan ng Japan ang mga pasahero na mahigit 80 taong gulang ang edad at ang mga dati nang may iniindang karamdaman sakay ng naka-quarantine na Diamond Princess cruise ship na mas maaagang bumaba kaysa nakaplanong Pebrero 19, iniulat ng Japanese public broadcaster NHK nitong Huwebes.
Sinabi ni Health Minister Katsunobu Kato na nais ng mga awtoridad na pababain na ang matatanda mula sa barko kapag naging negatibo sila sa virus, at nag-alok na ilagay sila panunuluyan na itinalaga ng gobyerno.
‘’We wish to start the operation from tomorrow or later,’’ wika ni Kato sa mga mamamahayag.
Samantala, 44 pang katao na sakay ng barko na nakadong sa baybayin ng Japan ang nasuring positibo sa novel coronavirus.
Ayon kay Kato, ang 44 na bagong kaso kahapon ay mula sa 221 pang bagong sinuri. Itinaas nila ang bilang ng mga impeksyong na-detect sa Diamond Princess sa 218, bilang karagdagan sa isang quarantine officer na nagpositibo rin sa virus.
Sa mga bagong na-diagnose na impeksyon, 43 ang mga pasahero, at ang isang miyembro ng crew.