China iniba ang pagbilang; virus death toll, tumaas
BEIJING (AFP) – Matapos baguhin ng mga awtoridad ang paraan ng pagbibilang nila ng mga impeksyon sa isang galaw na malamang na gumatong sa mga haka-haka ng underreported ang kalubhaan ng outbreak.
Ang pinakatinamaang central province ng Hubei ay nag-ulat ng 242 namatay sa loob lamang ng isang araw at 14,840 bagong mga pasyente - ang pinakamalaking isang araw na tally mula nang sumabog ang krisis noong nakaraang buwan.
Ang pagtalon ay nagtaas ng bilang ng mga namatay sa 1,355 at ang kabuuang bilang ng impeksyon sa buong bansa sa halos 60,000 - ilang oras lamang matapos ipagmalaki ni Pangulong Xi Jinping ang ‘’positive results’’ mula sa mga hakbang ng gobyerno para makontrol ang virus at tinaya ng isang top Chinese expert na ang epidemic ay aabot sa sukdulan ngayong buwan.
Sinabi ng mga opisyal sa Hubei na pinalawak nila ang kanilang pakahulugan para sa mga kaso ng COVID-19 at isinama ang mga taong ‘’clinically diagnosed’’ na may virus sa pang-araw-araw na bilangan.
Nangangahulugan ito na ang mga opisyal ay maaaring gumamit ng lung imaging sa mga pinaghihinalaang kaso upang masuri ang virus, sa halip na ang standard nucleic acid tests.