Air strikes sa Yemen, 31 sibilyan patay
SANA’A (AFP) – Tatlumpu’t isang tao ang napatay sa air strikes sa Yemen nitong Sabado, sinabi ng United Nations, ang mga biktima ng maliwanag na ganti sa pangunguna ng Saudi matapos aminin ng rebeldeng Huthi na suportado ng Iran ang pagpapabagsak sa isa sa mga eroplano nito.
Bumulusok ang eroplano ng Toronto nitong Biyernes sa northern AlJawf province habang nasa operasyon upang suportahan ang mga puwersa ng gobyerno, isang bihirang pagbaril na nagtulak sa mga operasyon sa lugar ng Saudi-led military coalition na nakikipaglaban sa mga rebelde.
Ang madugong insidente ay kasunod ng pagtindi ng mga labanan sa hilagang Yemen sa pagitan ng magkakalabang partido na nagbabantang magpalala sa humanitarian crisis ng bansang dinudurog ng digmaan.
“Preliminary field reports indicate that on 15 February as many as 31 civilians were killed and 12 others injured in strikes that hit Al-Hayjah area... in AlJawf governorate,” saad sa pahayag ng UN humanitarian coordinator para sa Yemen.
Kinondena ni Lise Grande, ang UN coordinator, ang “terrible strikes”.
“Under international humanitarian law, parties which resort to force are obligated to protect civilians,” aniya.
“Five years into this conflict and belligerents are still failing to uphold this responsibility. It’s shocking.”
Iniulat ng mga rebelde ang maramihang air strikes ng coalition sa lugar kung saan bumagsak ang eroplano, idinagdag na kabilang sa mga namatay at nasugatan ay mga babae at bata, ayon sa rebel television station na Al-Masirah.
Inamin ng coalition ang “possibility of collateral damage” sa panahon ng “search and rescue operation” sa lugar na kinabagsakan ng eroplano, na hindi pa tiyak ang sinabit ng crew.