Driver, patay sa tandem

Patay ang isang driver nang pagbabarilin ng dalawang hindi pa kilalang suspek na magkaangkas ng motorsiklo sa Pasay City, kamakalawa ng gabi.

Ilang tama ng bala sa iba’t ibang bahagi ng katawan ang agad tumapos sa buhay ng biktima na kinilalang si Jose Rubia, nasa hustong gulang, hindi nabanggit ang kanyang tirahan.

Samantala, nagsasagawa ng hot pursuit operation ang mga tauhan ng Pasay City Police laban sa dalawang lalaking suspek.

Sa ulat ni Colonel Erickson Dilag,hepe ng pulisya, naganap ang insidente sa kahabaan ng Saint Escolastica Street,

Barangay 13, sa Pasay City, dakong 7:46 ng gabi.

Ayon sa imbestigasyon, minamaneho ni Rubia ang isang itim na Mercedes Benz van na may plakang MO A237, sakay ang dalawang Pilipinong hindi binanggit ang pangalan ang St. Schoalstica St., nang biglang sumulpot sa kanilang likuran ang dalawang armadong suspek na magkaangkas sa Yamaha Mio 125 na may plakang NF 85980 at pinaputukan sila ng sunod-sunod kung saan minalas na tamaan ng bala ang biktima.

Sa kabila ng tinamong sugat,nagawang ibangga ng biktima ang van sa pader sa kalsada dahilan upang mabangga nito ang sinasakyang motorsiklo ng mga suspek.

Mabilis na tumakas ang dalawang suspek sa hindi batid an direksiyon at iniwan na lamang ang motorsiklo sa kalsada.

Nakaligtas naman sa pamamaril ang dalawang kasama ng biktima na sa takot ay agad na lumabas ng sasakyan at iniwan ang duguang si Rubia.

Kaagad na dumating ang Pasay City Rescue Team sa pinangyarihan subalit patay na ang biktima.

Patuloy ang isinasagawang imbestigasyon ng awtoridad upang alamin ang posibleng motibo sa nangyaring krimen.