‘Parasite’ hangad na maging daan sa mas magandang ugnayan ng Japan-Korea
TOKYO – Isa sa mga bida ng awardwinning movie na Parasite ang nagsabi na umaasa siyang makatutulong ang pelikula ang mapaganda ang kultural na ugnayan ng Japan at Korea, na nabahiran ng sigalot kabilang ang trade war na sumiklab sa pagitan ng dalawang bansa noong nakaraang taon.
Sinabi ni Song Kang-ho, gumanap na tatay ng pamilya na naninirahan sa basement. Na masaya siya sa mainit na pagtanggap ng Japanese fans sa “Parasite” at umaasa siyang higit pang gaganda ang relasyong ito.
“I hope we can go back to the early 2000s, and have an interest in each other’s works,” pagbabahagi ni Song sa Japan National Press Club. “Japan and Korea are close countries and can relate to each other’s cultures.”
“Looking at how ‘Parasite’ has been received even in Japan, I hope we can have a mutual interest in each other’s cultures.”
Hindi direktang tinukoy ng aktor ang kasalukuyang relasyon ng dalawang bansa, bagamat hindi lingid sa iba ang alanganing relasyon ng dalawang bansa nitong nakaraang taon dahil sa isyu ng Japanese compensation para sa mga mangagawa ng World War Two, na pinalala pa ng trade dispute.
Tinanggap ng Japanese filmgoers ang “Parasite” mula nang i-release ito sa bansa noong Enero 10. Higit pang pinalakas ang pelikula ng pagkapanalo nito sa Oscar, na bumalik sa Japanese box office nitong nakaraang linggo at ngayo’y itinuturing na top-grossing South Korean film sa Japan of all time.
“I’ve come to Tokyo because I want to express my appreciation for the interest that all the filmgoers have shown,” pagbabahagi naman ni director Bong Joon-ho sa news conference.
Ang Parasite, ay isang dark social satire patungkol sa lumalawak ng agwat ng mahirap at mayaman sa Seoul.
Bukod sa prestihiyosong Oscars, nakuha rin ng pelikula ang Palme d’Or sa Cannes Film Festival last year, habang kinuha nito sa Oscars ang tatlong iba pang awards kabilang ang best director, na tumalo sa mga beterano ng Hollywood kabilang sina Martin Scorsese at Quentin Tarantino.