500 BI OFFICIALS, BINALASA
Dawit sa ‘pastillas’ scheme
Binalasa na ng Bureau of Immigration (BI) ang tinatayang aabot sa 500 opisyal ng ahensya na nakatalaga sa Ninoy Aquino International Airport (NAIA) dahil na rin sa pagkakadawit umano ng mga ito sa ‘Pastillas’ scheme.
Sa direktiba ni BI Commissioner Jaime Morente, iniutos na nito ang pagpapatupad ng total reshuffle sa lahat ng nakapuwesto sa tatlong terminal ng paliparan. Gayunman, hindi nagalaw sa puwesto si Port perations division chief Grifton Medina at ipinauubaya na lamang nito ang desisyon kay Justice Secretary Meynardo Guevara na pumirma sa kanyang appointment.
Kabilang lamangn ang BI sa attached agency ng Department of Justice.
Ipinaliwanag ni Morente, ang nasabing hakbang ay alinsunod na rin sa kautusan ni Pangulong Rodrigo
Duterte matapos makumpirma ng intelligence sources nito ang nabanggit na suhulan.
Nauna nang tumestigo sa imbestigasyon ng Senado si Immigration officer Allison Chiong na nagbunyag na siya at mga kasamahan nito ay tumanggap ng suhol mula sa mga tour operator upang mapadali ang pagpasok sa bansa ng mga Chinese tourist na magtatrabaho sa Phillippine Offshore Gaming Operators (POGO).
Paglillinaw ng opisyal ng BI, ang naturang hakbang ay bahagi lamang ng ginagawang aksyon ng pamahalaan upang masawata ang iregularidad sa ahensya.
Dahil dito, magpapatupad na ang ahensya ng mga baging patakaran sa pagsasagawa ng ikalawang inspeksyon sa mga biyahero sa lantad na lugar upang walang maitatago at nagkabit na rin sila ng mga bagong closed circuit television camera upang masubaybayan ang trabaho ng mga immigration officer.