Global virus risk itinaas sa maximum level
Itinaas ng World Health Organization (WHO) nitong Biyernes ang kanyang global risk assessment ng novel coronavirus sa pinakamataas na antas matapos kumalat ang epidemya sa sub-Saharan Africa at lumagapak ang financial market.
Lumaganap ang virus sa buong mundo nitong nakaraang linggo, lumilitaw sa bawat kontinente maliban sa Antarctica, na nagtulak sa maraming mga gobyerno at negosyo na subukang pigilan ang mga tao sa paglalakbay o pagtitipon sa mga masikip na lugar.
Pinatay nito ang mahigit 2,800 katao at nahawahan ang mahigit 84,000 sa buong mundo - karamihan sa China – simula nang ito ay lumutang mula sa isang animal market sa lungsod ng Wuhan sa central China noong Disyembre.
Ngunit ang mabilis nitong pagkalat sa bagong zone ang bumagabag sa mga awtoridad - sa nakaraang 24 na oras, naapektuhan ang siyam na bagong bansa, mula sa Azerbaijan hanggang Mexico hanggang New Zealand.
“We have now increased our assessment of the risk of spread and the risk of impact of COVID-19 to very high at global level,” sinabi ni WHO chief Tedros Adhanom Ghebreyesus sa reporters.
“We do not see evidence as yet that the virus is spreading freely in communities. As long as that’s the case, we still have a chance of containing this virus.”
Gayunpaman, natatakot ang mga mamumuhunan sa buong mundo. May mga merkado na naranasan sa pinakamasamang linggo simula ng krisis sa pananalapi noong 2008.
Inilatag ang mga bagong mapangahas na hakbang: Kinansela ng Switzerland ang lahat ng mga pagtitipon na may mahigit 1,000 katao, at ipinagbawal ng Saudi Arabia ang Gulf citizens mula sa pinakabanal nitong mga lungsod ng Mecca at Medina.
“This is not a time for panic. It is time to be prepared -- fully prepared,” sinabi ni UN SecretaryGeneral Antonio Guterres d. ‘Struggling with containment’ Ngunit ang mga impeksyon sa ibang lugar ay nagsimulang lumobo, kasama ang Iran, Italya at South Korea na nagiging mga bagong pangunahing hotspots at mga kasong nakumpirma sa 50 mga bansa.
Ang South Korea na ngayon ang may pinakamaraming kaso sa labas ng China, sa mahigit 2,931impekisyon at 16 pagkamatay.
“We see a number of countries struggling with containment,” sinabi ni Michael Ryan, pinuno ng WHO health emergencies programme.
Partikular na nababahala ang WHO sa kahandaan ng Africa, nagbabala na ang health care systems ng kontinente ay hindi handa para tugunan ang COVID-19 epidemic.
Naaapektuhan ng coronavirus crisis ang lahat mula sa global production, mga eskuwelahan , sporting events at presyo ng langis na lumagapak sa $50.05 bawat bariles.
Karamihan ng mga namatay sa virus ay matatanda na mayroon nang iniindang sakit.
Sinabi ng mga eksperto na ang virus marahil ay nagpalipat-lipat nang hindi napansin “for several weeks” bago makumpirma ang unang mga kaso – posibleng simula pa noong Enero.