Raquel Pempengco, nagbigay ng opinyon sa Sarah-Matteo wedding issue
MAGING si Raquel Pempengco na ina Jake Zyrus (Dating Charice Pempengco) ay nagbahagi ng kanyang opinyon sa kontrobersiyang kinasasangkutan ng bagong kasal na sina Sarah Geronimo at Matteo Guidicelli sa inang si Divine Geronimo, matapos mabalita ang pangge-gatecrash nito sa kasal ng anak.
Para kay Raquel, bagamat masaya siya para kay Sarah, dahil nahanap nito ang tunay na pag-ibig kay Matteo, nauunawaan rin niya si Mommy Divine bilang ina.
“Happy ako kasi nahanap na ni Sarah G ang hapiness niya, ‘yun naman ang importante.”
“In a way, napakalaking sakripisyo niya na sa pamilya niya - ang nakatulong ng 15 years...” ‘Yunngalangdaw,masakitparasakanya at kay mommy Divine na pinaglihiman siya sa mismong kasal ng anak?
“Pero bilang ina napakasakit ang pinagwalang bahala ka ng isang anak,” post ni Raquel sa kanyang Facebook page.
Sa opinyon ni Raquel, malaking bagay na ipinaalam sana nina Sarah sa kanyang mga magulang ang tungkol sa kasal nito.
“Sana sinabi na lang ni Sarah in a nice way na nasa tamang edad na po ako...kahit sa gusto o ayaw nio nagpapaalam lang ako bilang respeto. Ramdam ko ang sakit na nararamdaman ngayon ni Mommy Divine .... Bilang isang ‘anak’ nagrebelde din ako. Bilang isang ‘ina nasasaktan din ako,” pahayag ni Raquel. Matatandaan dumaan din sa matinding pagsubok si Raquel para sa kanyang anak na si Charice Pempengco, ngayon ay isa nang transgender man na si Jake Zyrus.
Inaming walang komunikasyon sa anak, positibo si Raquel na ibibigay ang blessings sa anak sakaling magpakasal ito.