Concerts ng BTS, kanselado
KANSELADO na ang apat na concert ng K-pop group na BTS sa Seoul ngayong Abril, kaugnay ng patuloy na pagtaas ng kaso ng novel coronavirus sa South Korea.
Kasalukuyang isa sa biggest acts in the world, may nakatakda sanang apat na gig ang grupo sa Olympic Stadium ng capital upang i-promote ang kanilang bagong album, Map of the Soul: 7.
Higit 200,000 fans ang inaasahang dadalo sa concert, ayon sa Big Hit Entertainment, kasama ang “a number of global production companies and a large group of expert international crew” na bahagi rin ng produksyon.
“[It was] impossible at this time to predict the scale of the outbreak,” ayon pa sa pahayag, kaya’t hindi pa matutukoy kung kailan maitutuloy ang show.
“We must take into consideration the health and safety of hundreds of thousands of guests as well as our artists,” dagdag nito.
Ang concerts ng BTS ang pinakabagong event na nakansela o ipinagpaliban dahil sa coronavirus outbreak.
Ilan sa mga apektadong events dahil sa virus ang K-league football season at ang World Team Table Tennis championships, habang isinara na rin muna ang mga museums at iba pang public venues sa bansa.
Samantala, ipinagpaliban na rin ng US at South Korea ang nakatakda sanang joint military exercises.
Ang Hyundai Motor- na ikalimang pinakamalaking auto manufacturer sa mundo kasama ang Kia—ay nagsuspinde na rin ng operasyon nito sa Ulsan matapos magpositibo ang isa sa mga empleyado nito sa sakit.
Una nang itinigil muna ng manufacturer ang lahat ng domestic production nito, ngayong buwan dahil sa kawalan materyales na manggagaling sana sa China.
Samantala, isa sa mga BTS fan ang nagkomento sa Facebook page ng grupo na ang desisyong ipagpaliban ang concert ay “regrettable but inevitable call”, bagamat umangal naman ang ilan kung bakit kinansela at hindi na lamang na-postpone ang concert.