Batang atleta, pararangalan sa PSA Night
MGA batang atleta ang ilan sa mga nakatakdang bigyan ng parangal sa nalalapit na pagtatanghal ng SMC-PSA (Philippine Sportswriters Association) Annual Awards Night na gaganapin ngayong Boyer es Marso 6 sa Centennial Hall ng Manila Hotel.
Ang bagong sumisikat na tennis player na si Alex Eala ang mangunguna sa listahan ng mga kabataang atleta Kung saan tatanggapin niya kasama ng siyam na iba pa ang 2019 Tony Siddayao award na ipinangalan sa yumaong sports editor ng Manila Standard na si Antonio ‘Tony’ Siddayao na kilala din bilang Dean of Philippine Sportswriting.
Ang nasabing award ay ibinibigay sa mga batang atleta na may edad 17- pababa na nagpakita ng magandang performance sa kani- kanilang mga sports na nilalaruan.
At dahilan nga sa magandang ipinamalas ni Eala sa kanyang pagsabak sa Australian Open girls doubles kung saan siya nagkampeon, kasama ang kanyang kakampi na si Priska Madelyn Nugroho ay una siya sa listahan ng 10 mga batang atletang pararangalan.
Kasama din sa listahan ang bemedalled age-group swimmers na sina Micaela Jasmine Mojdeh at Marc Bryant Dula na pararangalan ng pinaka matandang media organization na pinamumunuan ng sports editor ng Manila Bulletin na si Tito S. Talao.
Kasama rin sa pararangalan bilang mga Siddayao awardees ay ang duo ng are bowling na sina Dale Lazo at Jordan Dinham, ang pambato ng karatedo na si Juan Miguel Sebastian, ang golfer na si Celine Abalos, ang Woman FIDE master na si Antonella Racasa, ang powerlifter na si Jessa Mae Tabuan, at Ang nakatatandang kapatid ni Eala na si Michael Eala.
Kabailang sa mga nauang nakatanggap na ng naturang award sa mga naunang taon ay mga kilalang matatagumpay na batang atleta na ngayon gaya nina Grandmaster Wesley So, Eumie Kiefer Ravena, Felix Marcial, Jeron Teng, Markie Alcala, Pauline Del Rosario, Aby Arevalo at si Maurice Sacho Ilustre.
Nakatakda ring tanggapin ng Team Philippines ang 2019 Athlete of the Year award bilang major award sa tagumpay na ibinigay nila sa pagkopo ng overall championship sa nakaraang 30th Southeast Asian Games.
Ang nasabing awards night ay suportado ng Philippine Sports Commission, MILO, Cignal TV, Philippine Basketball Association, AirAsia, at Rain or Shine.