San Juan at Manila, kumakatok sa MPBL Finals
NAISALBA ng top-ranked San Juan-Go for Gold ang matikas na ratsada ng PampangaADG Group tungo sa dikitang 86-84 panalo sa Game 1 ng kanilang best-of-three semifinal series sa 2020 Chooks-to-Go MPBL Lakan North mathc-up nitong Biyernes sa Filoil Flying V Centre sa San Juan.
Naisalpak ni Mike Ayonayon ang buzzer-beating ‘floater’ para maitakas ang panalo at makaiwas sa alanganing katayuan sa kanilang playoff series.
“Designed play yun, wala ng oras eh, last shot, so aatakihin ni Mike, pag nagdouble kay Mike, kick out kay John. Eh hindi dinouble si Mike, kaya ginawan na ng paraan ni Mike,” pahayag ni San Juan head coach Randy Alcantara.
Matikas na sinimulan ng Knights ang hirit sa final period mula sa 13-4 burst, tampok ang three-pointer ni John Wilson para mahila ang bentahe sa 80-69 may 5:39 ang nalalabi.
Ngunit, hindi bumigay ang Giant Lanterns, sa pangunguna ni Dexter Maiquez na bumuo ng 11-2 run para maidikit ang iskor sa 84-82 may 1:20 ang nalalabi.
Naitabla ni Maiquez angiskor sa 84-all mula sa free throw may 18.3 segundo ang nalalabi sa laro. Ngunit, hindi na umabot sa overtime ang laban sa makapigil-hiningan opensa ni Ayonayon na kumana sa San Juan sa naitumpok na 21 puntos, anim na rebounbds at tatlong steals.
Nanguna si Michael Juico sa Pampanga na may 18 puntos, habang tumiap si Maiquez ng 13 puntos.
Target ng Knights na tapusin ang serye sa Game 2 sa Miyerkoles sa San Andres Sports Complex sa Manila.
Samantala, nakaungos din ang No.2 seed Manila-Frontrow sa No.3 Makati-Super Crunch, 77-74, sa Game 1 ng kanilang semifinal duel sa North Division.
“Na-rattle din kami sa press nila kaya sila nakahabol. Buti na lang, mentally tough yung players, thanks to Carlo Lastimosa’s clutch shots,” pahayag ni Manila coach Tino Pinat.
Iskor: (Unang Laro)
San Juan-Go for Gold (86) -- Wilson 21, Clarito 15, Wamar 13, Ayonayon 12, Isit 7, Estrella 7, Rodriguez 6, Aquino 3, Bunag 2, Gabawan 0, Victoria 0.
Pampanga-ADG Group (84) -- Juico 18, Hernandez 15, Maiquez 13, Muyang 12, Cruz 10, Thompson 6, Apreku 3, Cervantes 3, Alberto 2, Fabian 2. Quarterscores: 2020, 50-43, 67-65, 86-84.
(Ikalawang Laro) Manila-Frontrow 77 -- Lastimosa 25, Dionisio 12, Bitoon 11, Matias 9, Dyke 6, Gabriel 5, Espinas 3, Abrigo 2, Tallo 2, Lopez 2, Go 0, Lee 0.
Makati-Super Crunch 74 -- Apinan 17, Baloria 16, Ablaza 10, Sedurifa 10, Villanueva 8, Lingganay 8, Torralba 3, Cruz 2, Atkins 0, Manlangit 0. Quarterscores: 1810, 43-28, 62-52, 77-74.