Gamot vs COVID-19, posible sa summer
WASHINGTON/GENEVA/ BEIJING/SYDNEY (AFP/REUTERS) – Posibleng magkaroon na ng gamot para lunasan ang novel coronavirus ngayong summer o fall, sinabi ni US Vice President Mike Pence nitong Lunes.
‘’The vaccine may not be available until late this year or early next, but the therapeutics to give relief to the people who contract the coronavirus could be available by summer or early fall,’’ sinabi niya sa isang news conference.
Ginamit na ang Gilead drug remdesivir para lunasan ang isang nahawaang pasyente sa US bilang bahagi ng trial, at ang intravenous antiviral ay ipinadala na rin sa mga pagsubok sa Asia.
Isa pang notable potential treatments ay dinebelop ng Regeneron na gumagamit ng monoclonal antibodies para labanan ang impeksiyon. Ang istratehiyang ito ay naging epektibo laban sa Ebola.
Sinabi rin ni Pence, in charge sa pagtugon ng U.S. sa outbreak, na maaaring palawakin nila ang U.S. travel restrictions.
AIRPORTS SCREENINGS
HIHIGPITAN
Lumitaw ngayon na ang COVID-19 ay mas mabilis na kumakalat sa labas ng China kaysa sa loob, pinapaigting ng mga bansang matinding naapektuhan ang pagsala sa mga manlalakbay sa mga paliparan.
Sinabi ni World Health Organization (WHO) chief Tedros Adhanom Ghebreyesus na halos walong beses na mas maraming kaso ang naiulat sa labas ng China kaysa sa loob sa nakalipas na 24 oras, idinagdag na ang panganib ng pagkalat ng coronavirus ay napakataas ngayon sa pandaigdigang antas.
Sa briefing sa Geneva, sinabi niya na ang outbreaks sa South Korea, Italy, Iran at Japan ang pinakamatinding alalahanin, ngunit may mga ebidensiya na umeepekto ang close surveillance sa South Korea, ang bansang pinakaapektadio sa labas ng China, at maaaring mapiguilan ang epidemya roon.
Ang global death toll ay lumagapas na sa 3,000, at ang bilang ng mga namatay sa Italy ay umalon mula 18 sa 52. Ang Latvia, Saudi Arabia, Senegal at Morocco ay nagulat ng mga kaso sa unang pagkakataon, iniakyat ang kabuuang bilang sa mahigit 60 bansa na mayroong COVID-19.
BIOSECURITY LAW Samantala, gagamit ang Australia ng biosecurity law para limitahan ang paggalaw ng mga taong pinaghihinlaang mayroong coronavirus, sinabi ng attorneygeneral nito kahapon.
Kinumpirma ng Australia nitong Lunes ang unang community transmission ng COVID-19 matapos isang doktor ang nahawa sa virus. Hindi alam kung paano nahawahan ang lalaki na nasa edad na 50’s.
Sa gitna ng mga takot sa isang malawakang outbreak, sinabi ni Attorney-General Christian Porter na palalawakin ng Australia ang paggamit ng isang bihirang ginamit na batas na magtatalaga sa ilang mga lugar bilang out of bounds o ilagay ang ilang pasyente sa home detention.
“Under the biosecurity act, you could have the prevention of movement from persons in and out of particular places,” sinabi ni Porter sa Australian Broadcasting Corp.