Mas malakas kung sama-sama

IPINAGDIWANG ng Bangsamoro Women Commission in the Bangsamoro Autonomous Region in Muslim Mindanao (BWC-BARMM) ang simula ng National Women’s Month (NWM) nitong Lunes, sa pamamagitan ng pagtatampok sa lakas ng mga kababaihan kapag sama-sama para sa iisang adhikain.

Sa kanyang talumpati para sa pagbubukas ng programa, sinabi ni BWC chairperson at Bangsamoro Transition Authority (BTA) parliament member Hadja Bainon Karon na: “every day is women’s day”. “We will show the world that Bangsamoro women are stronger together,” anito.

Binuksan ang selebrasyon ng buwan ng kababaihan sa pamamagitan ng isang parade sa palibot ng BARMM center, na sinundan ng maikling programa na dinaluhan ng mga empleyado at mga opisyale ng iba’t ibang opisina at ministro ng rehiyon.

Ayon kay Karon, layunin ng pagdiriwang ngayong taon ang pagsisikap na mapalakas ang kapabilidad ng mga kababaihan sa Bangsamoro bilang aktibong katuwang sa nation-building at regional development.

Sa ilalim ng Under Proclamation No. 227, ipinagdiriwang ang buwan ng kababaihan tuwing Marso at nagkakaloob ng pagkilala sa kontribusyon ng mga Pilipina sa lipunan.

Partikular nitong kinikilala at pinalalakas ang mga kababaihan bilang mga stakeholders ng mga programa ng pamahalaan at serbisyo; paglikha at pagbuo ng mga plataporma upang talakayin ang mga magandang hakbang, espasyo, mga pagsubok at pagtuon sa gender and development; at magbigay ng inspirasyon at palakasin ang mga kababaihan na maging bahagi ng pagbabago.

Sa buong buwan ng selebrasyon, magsasagawa ang BCW-BARMM ng serye ng mga aktibidad, tulad ng physical fitness exercises sa apat na Biyernes ng buwan, ang values transformation training para sa mga kawani ng pamahalaan at ang and gender sensitivity orientation.

Tema ngayong taon ng pagdiriwang ang “We make change work for women.”