FDCP bukas na sa pagtanggap ng entries
Level up sa maraming dahilan, ang Pista ng Pelikulang Pilipino (PPP), na nasa ikaapat nang taon. Ngayong taon sampung pelikula ang itatampok ng PPP 4, ang ikalawang beses sa edisyon ng pista, na mapapanood sa higit 900 cinemas sa buong bansa. Tatanggap ito ng four projects in their advanced stage of development o production stage at anim na tapos nang pelikula o films in post-production. Nagtakda na rin ang FDCP ng deadlines para sa PPP applications: Marso 20 para sa “projects in their advanced stage of development or production stage” at June 15 para sa tapos nang pelikula.
Iba’t ibang genre ng pelikula na may commercial and global appeal, ang itatampok sa PPP 4. Kabilang dito ang family-oriented, romantic-comedy, horror, fantasy, at historical films, o arthouse films na naglalarawan sa kultura at sensibilidad ng mga Pilipino. Hanggang dalawang entries per genre ang maaaring mapasama sa final selection (e.g., romance, comedy, action, etc.).
Ipinakikilala rin sa PPP 4 ang Philippine CoProduction Fund (PCOF) ng FDCP’s Film Philippines Program. Ang PCOF ay magbibigay ng pondo na hanggang dalawang milyon para sa selected works in their advanced stage of development or production stage sa pamamagitan ng PCOF co-production investment fund. Habang maaari ring makatanggap ang mga tapos na pelikula ng dalawang milyon mula sa PCOF.
Angat rin ngayong taon ang Sine Kabataan sa ikaapat nitong taon para sa short film na ngayon ay mayroon nang film development lab program. Layunin ng Sine Kabataan na mahikayat ang mga filmmakers aged 18 to 30 na gumawa ng short films hinggil sa mga isyu na umiikot sa kabataan at family values, education, health, or security at peace building. Magbibigay rin ang Sine Kabataan, ng production funds sa applications featuring story concepts.
Bawat Sine Kabataan finalist ay makatatanggap ng P 50,000 cash grant at panibagong P 50,000 worth of post-production grant. Ang finalists’ short films (with a maximum length of 5 minutes) ay mapapanood sa buong will PPP duration nationwide, kung saan isang short film ang ipalalabas bago ang official PPP entry.
Bukod dito, ang Sine Kabataan 4 finalists ay magkakaroon din ng pagkakataon na matuto ng script development, film production, film editing, at post-production sa Sine Kabataan Film Lab sessions na idaraos sa buong taon. Hanggang Marso 20 ang aplikasyon para sa Sine Kabataan.
Idaraos ang PPP 4 mula Setyembre 11 hanggang 17. Na inorganisa ng Film Development Council of the Philippines (FDCP) katuwang ang Cinema Exhibitors Association of the Philippines (CEAP).