Ika-58 labas

MATAPOS ang mahabang sandali ng pag-uusap nila Tandang Mundong, Allea, Rolan at Lyka, isinagawa ng dalaga ang itim na ritwal. Muli, sa pamamagitan ng ritwal na ginawa nila para buhayin ang patay na sanggol para maging tiyanak, nanawagan ang dalaga sa mga nilikha mula sa daigdig ng kababalaghangbinuhay nila mula sa bangkay ng sanggol, ang mga tiyanak. Matapos ang kaniyang panawagan, namayani ang katahimikan sa malaking sala ng lumang-lumang bahay ng pamilya ni Tandang Mundong. Ngunit makaraan ang ilang sandali, binasag ang katahimikan ng bahay ng malakas na ingay na tinatawag na hagubhob na natiyak nila na nalikha ng pakpak ng mga malaking paniki. Dahil nakabukas ang mga bintana, tuloy-tuloy na pumasok sa loob ng pinakamatandang bahay sa barangay Alagaw ang mga dumating na panggabing hayop.

“Lyka, huwag kang matakot,” wika ni Rolan habang nakatingin sa malalaking paniking lumambitin sa iba’t ibang bahagi ng lumang-lumang bahay. “Pangkaraniwan ng pangyayari ang pagdating ng paniki sa ginawang ritwal nila Lolo Mundong at Allea.”

“Alam ko, makailang ulit mo ng naikuwento sa akin ang ganitong

Pangyayari,” sagot ni Lyka na pinagmamasdan ang malalaking panikina nagsilbing dekorasyon sa iba’t ibang bahagi ng bahay.

“Kung gayon, alam mo ring darating ang iba pang alagad ng dilim katulad ng ibong pawpaw, tagkaro at kuwago?” Tanong ni Rolan.

“Alam ko,” sagot ni Lyka. “Kasama ang pangyayaring ‘yan sa mga ikinuwento mo tungkol sa mga nagaganap kapag nagsasagawa si Lolo Mundong ng itim na ritwal.”

“Tama ka, Lyka,” wika ni Tandang Mundong. “Kaya ilang sandali na lamang at darating ang mga ibong tagkaro, pawpaw at kuwago para magbunyi sa pagdating ng mga tiyanak!”

“Lolo Mundong, ibig mong sabihin, papasok dito sa loob ng bahay ang mga tiyanak na binuhay ninyo ni Allea sa pamamagitan ng itim na ritwal sa Metro Manila?” Tanong ni Lyka.

“Ganoon na nga, Lyka,” sagot ni Tandang Mundong. “Ngunit tulad ng dumating na malalaking paniki at darating pang mga ibong tagkaro, pawpaw at kuwago, huwag kang matakot sa mga tiyanak.”

“Tama si Lolo Mundong, ate Lyka,” singit ni Lyka. “Hindi sila mapanganib at kinikilala akong panginoon ng mga nilikhang ‘yun!”At makaraan ang ilang saglit matapos ang paliwanag ni Allea sa iba pang magaganap sa ginawa niyang panawagan sa mga alagad ng kadiliman, umalingawngaw ang ingay sa pagdating ngmga panggabing ibon. At tulad ng ginawa ng malalaking paniki, tuloy-tuloy na pumasok sa nakabukas na bintana ng bahay ang mga panggabing ibong. Matapos makapasok sa loob ng bahay, katulad ng malalaking paniki, dumapo ang mga panggabing ibon sa iba’t ibang bahagi ng malaking salang kinaroonan nila Tandang Mundong, Allea, Rolan at Lyka. Dahil hindi dumating sa ginawa nilang itim na ritwal ni Tandang Mundong sa Metro Manila ang kuwago, pinagmasdang mabuti ni Allea ang ibong nakadapo sa mga kasangkapan ng lumanglumang bahay ng pamilya nila Tandang Mundong.

“Ang laki pala ng kuwago,” nasisiyahang wika ni Allea. “Ngayon lang ako nakakita ng malapitan ng ganitong ibon.”

“Ibig mong sabihin, hindi dumating ang kuwago sa itim na ritwal na ginawa ninyo sa Metro Manila ni Lolo Mundong, Allea?” Tanong ni Lyka na katulad ng dalaga, pinagmamasdan ang mga panggabing ibon.

“Hindi, ate Lyka,” sagot ni Allea. “Tanging ang malalaking paniki, ibong tagkaro at pawpaw ang dumating at

nagbunyi sa pagbuhay ko sa patay na sanggol para maging tiyanak!”

“Alam ko na ang paliwanag sa pangyayaring ‘yun,” wika ni Rolan. “Nakatira ang kuwago sa birheng kagubatang wala sa Metro Manila kaya hindi dumating sa ginawa ninyo ng itim na ritwal ni Lolo Mundong.”

“Malamang ‘yun ang dahilan sa hindi pagdating ng kuwago,” sang-ayon ni Allea sa sinabi ni Rolan.

Itutuloy...