Weekend markets sa Taguig, dinumog
Nabigyan ng pagkakataon ang mga ambulant vendor na unang inalis sa mga kalsada na makapagtinda o makapaghanapbuhaymulisapamamagitan ng inilunsad na “Weekend Markets” sa Taguig City, kamakalawa ng gabi.
Layunin ng lokal na pamahalaan na mabigyan ng mas maraming oportunidad sa pangkabuhayan ang mga residente, iangat ang turismo at mas ligtas na lansangan sa lungsod.
Dinumog naman ng mamimili ang mga produktong ibibenta sa binuksang Flea Market Bazaar at ng Farmers and Wet Markets sa Mercado del Lago at Veterans Road sa Western Bicutan sa Taguig City.
Ang nasabing inisyatibo ay mahalagang hakbang ng Mobility Plan ng Taguig City nang umpisahan ng lokal na pamahalaan ang pagtatangal ng lahat ng uri ng sagabal o obstruction sa mga kalsada kabilang rito ang mga apektadong mga negosyante.
Batid ng Taguig government na ang mga apektadong negosyante ay may sinusuportahang mga pamilya kaya aktibong humanap ito ng mga paraan upang kumita ang mga ito ng hindi sila nakakasagabal sa mga kalsada.
“Apart from establishing safety through mobility, the development of these markets offering a wide selection of ware will also provide a consistent livelihood for small and medium enterprises but also elevate the local economy and boost tourism by attracting customers both within and outside the City to visit these markets,” ayon sa Taguig government.
Samantala, bilang bahagi ng plano ng Taguig ang ‘zero waste, mahigpit na ipinagbabawal sa mga lugar rito ang single-use plastic kaya pinapayuhan ang mga mamimili na amgdala ng kanilang sariling recyclable bags.
Para sa mga walang dala, bibigyan sila ng libreng eco bags, net bags, at bayong na bahagi sa commitment at proactiveness ng Taguig na mapapaba sa 80% ang solid waste o basura.
Bukas sa publiko ang Flea Market Bazaar sa Taguig Employees’ Park simula 5:00 ng hapon hanggang 9:00 ng gabi sa tuwing Biyernes at Sabado. Kabilang sa mga mabibili rito ang mga damit, sapatos, tsinelas, accessories at ready-to-eat snacks.
Habang 6:00 ng umaga hanggang 4:00 ng hapon sa Farmers Market sa Mercado Del Lago na nag-aalok ng mga gulay, prutas at iba pang produkto ng magsasaka kung saan ang mga mamimili ay pagkakalooban ng bayong.
Sa tuwing Sabado naman ang operasyon ng Wet Market sa Veterans Road, na bukas sa publiko ng 6:00 ng umaga hanggang 8:00 ng umaga at 3:00 ng hapon hanggang 8:00 ng gabi. Kabilang sa itinitinda rito ang poultry, seafood, meat at ilang gulay kung saan may libreng net bags ang mga mamimili.
Naglagay na rin ng wastong waste segregation stations ang Taguig government sa mga nasabing market para mapanatili ang green governance, na bahagi ng 10-point agenda ng lungsod.
Ang tatlong satellite markets ay ilan lamang sa maraming lugar na pinagaaralan ng Taguig government sa posibleng paglalagyan ng naturang mga aktibidad kasama na ang parke,paaralan, covered courts, idle lots at secondary roads bilang market places sa weekend.