Major US electronic dance fest, kanselado dahil sa coronavirus

KINANSELA na ang taunang electronic dance music festival Ultra sa Miami, na humahakot ng mahigit 160,000 fans sa beachfront city, dahil sa patuloy nab anta ng coronavirus crisis.

“We completely understand how extremely frustrating this is because so many of you are looking forward to coming to Ultra, having already made travel arrangements,” pahayag ng festival organizer.

“This is, however, an unprecedented issue which is not being taken lightly, and we must continue to defer to the authorities for guidance.”

Nakatakda sanang magtanghal sa Marso 20-22 ang ilang major DJs kabilang sina Gesaffelstein at Sofi Tukker.

Bukod sa Miami, kanselado na rin ang edition ng festival sa Abu Dhabi, na dapat sanang idinaos nitong Marso 5-6.

Nasa mahigit 100,000 kumpirmadong kaso na ng COVID-19 ang naitala sa 92 bansa, ayon sa tala ng AFP habang nasa 3,500 na ang namatay. Nakapagtala naman ang Florida ng siyam na kaso.

Apektado naman ng kanselasyon ang turismo ng estado, na dumedepende rin ng malaki sa mga bisita na pumupunta sa lugar sa mga buwan ng Marso at Abril, para sa spring break.

Malaking dagok din sa world markets ang pagkakansela ng ilang malalaking music events. Noong Enero, inanunsiyo ng

Boston Symphony Orchestra ang kanselasyon ng a four-city Asia tour nito dahil sa virus.

Habang nagdeklara naman ang New York’s Metropolitan Opera ng 14-day quarantine para sa lahat ng performers, artists at iba pang empleyado na magmumula sa China, Iran, South Korea, Japan, Italy at Hong Kong.

Samantala, hindi pa nagbibigay ng komento ang Coachella, nakatakdang magbukas sa weekend ng April 10 sa California desert, nang hingan ng kumpirmasyon kung matutuloy pa ang event.