Executive chess sa Cabuyao
TUTULAK ang 2nd leg ng Philippine Executive Chess Association sa Marso 28, 2020 (Sabado) na gaganapin sa Activity Area, Waltermart, National Highway, Brgy. Banlic, Cabuyao City, Laguna.Ito ay inorganisa ni Philippine Executive Chess Association (PECA) president Dr. Alfredo “Fred” Paez sa pakikipagtulungan ni Cabuyao City mayor Atty. Rommel A. Gecolea.
Ang magkakampeon ay tatangap ng P12,000 habang nakalaan sa next four finisher ang P8,000, P5,000, P3,000 at P2,000 ayon sa pagkakasunod. May special prizes din na tig P2,000 sa top 2000 and below, top 1900 and below, top 1800 and below, top senior at top lady. Si Dr. Paez at mayor Gecolea din ang tumutulong sa kampanya ng magkapatid na Jeremy at Jersey Bruselas Marticio ng Pulo National High School, Cabuyao City, Laguna.
Si Paez ay itinalaga kamakailan ni National Chess Federation of the Philippines (NCFP) Chairman/ President Rep. Prospero “Butch” Arreza
Pichay Jr. bilang Assistant Executive Director for Southern Luzon habang si Mr. Reden “Red” Cruz ay bilang bagong Assistant Executive Director for Central and Northern Luzon.Sa chess update ay kontakin si Dr. Paez sa mobile number: (0921-272-8172) at (0915-247-3711) para sa dagdag detalye.
Si Paez na dating top honcho ng Laguna Chess Association ang humalili sa dating PECA president na si Dr. Jenny Mayor kung saan ang founding president naman ay si Atty. Cliburn Anthony Orbe na Executive Director naman ngayon ng NCFP.
Si Dr. Paez din ang organizer na matagumpay na Chooks-To-Go National Rapid Chess Championship sa pakikipagtulungan ni engineer Brent Sasot at ng Rotary Club of Nuvali na suportado ni BAVI president Ronald Daniel Ricaforte Mascariñas.