1 PA, NAHAWAAN NG COVID-19
Public health emergency, iginiit
Kinumpirma ng Department of Health (DOH) kahapon nahawaan din ng coronavirus disease 2019 ang misis ng 62-anyos na nauna nang nagpositibo sa naturang virus.
Binanggit ni DOH Secretary Francisco Duque III, nakaratay na aniya sa Research Institute for Tropical Medicine (RITM) ang nasabing 59taong gulang na asawa ng unang tinamaan ng virus sa Pilipinas.
Inihayag ng opisyal na nitong Marso 5 pa na-admit sa RITM ang babae dahil nakaranas ng pag-ubo.
Ito na aniya ang ikaanim na kaso ng virus sa Pilipinas.
Kaugnay nito, inirekomenda ng DOH sa gobyerno na magdeklara na ng state of public health emergency.
“The DOH is currently exhausting all its efforts to identify others who may have come in contact with the confirmed cases to ensure that this localized transmission does not progress to community spread,” paliwanag ni Duque sa isang pulong balitaan sa DOH-Central Office sa
Maynila.
“In light of the confirmation of localized transmission in the country and in anticipation of possible sustained community transmission, DOH has raised the COVID-19 Alert System to Code Red sublevel 1. This is a preemptive call to ensure that national and local governments and public and private health care providers can prepare for possible increase in suspected and confirmed cases,” banggit pa nito.
Kaugnay nito, nasa 40 Pinoy worker na nawalan ng trabaho sa Hong Kong dahil sa COVID-19 ang inayudahan ng pamahalaan.
Nagkaloob ang Konsuldao ng Pilipinas at ng Philippine Overseas Labor Office-Overseas Workers Welfare Administration sa Hong Kong SAR (POLO-OWWA) ng legal legal advice at iba pang ayuda ukol sa salary claims at mga benepisyo sa mga overseas Filipino worker (OFW) na na-terminate ang kanilang kontrata dahil sa banta ng pagkalat ng virus sa
Hong Kong.
Sinabi ng POLO-OWWA na natulungan nila ang OFWs sa computation ng kanilang suweldo, serbisyo at iba pang benepisyong nais kunin ng mga ito sa employers. Ang mga OFW na may reklamo sa pagkuha ng day-off ay pinapayuhang magsampa ng kaso sa Labour Relations Division o Equal Opportunities Commission.
Samantala, ang mga terminated OFW dahil sa employers’ relocation ay inasistehan sa Hong Kong Immigration Department upang makukha ang ID 522. Ang pag-iisyu sa ganitong ID ay para ang natanggal sa trabahong OFWs ay mailipat siya sa bagong employer; maproseso ang bagong kontrata at work visa nito,habang nasa Hong Kong.
“The OWWA shall provide livelihood or employment assistance to displaced OFWs deciding to permanently come home,” ani OWWA Administrator Hans Leo Cacdac nitong Marso 3 sa pamamagitan ng kanyang account.