Brownout, asahan sa Luzon areas

Makararanas muli ng power interruptions ang ilang bahagi ng Luzon na siniserbisyuhan ng Manila Electric Company (Meralco) ngayong linggo bunsod ng isasagawa nilang maintenance works o pagkukumpuni.

Sa ipinalabas na maintenance schedule, itinakda ng Meralco ang mga pagkukumpuni sa kanilang mga pasilidad sa ilang lugar sa Metro Manila at mga kalapit nitong mga lalawigan, simula ngayong Lunes, Marso 9, hanggang sa Linggo, Marso 15.

Sa Marso 9, kabilang sa pansamantalang mawawalan ng suplay ng kuryente ang Rosario, Pasig City dahil sa relokasyon ng mga pasilidad sa Ortigas Avenue; at Novaliches, Quezon City, dahil sa line reconductoring works sa Katipunan Street, Kingspoint Subdivision, Barangay Bagbag; habang Marso 9 at 10 naman ay may line reconstruction works sa Quirino Highway sa Barangay Bagbag, San Bartolome, Quezon City.

Sa Marso 10, kabilang naman sa maaapektuhan ng power interruptions ang Batangas City, sa Batangas dahil sa relokasyon ng mga pasilidad na apektado ng road widening project ng Department of Public Works and Highways sa Batangas – Tabangao – Lobo Road sa mga Barangay Dela Paz Pulot Aplaya at Talahib Pandayan; Pandacan, Manila dahil sa line reconductoring works at instalasyon ng mga karagdagang lightning protection devices sa Selya Street; at Commonwealth, Quezon City dahil sa relocation of facilities at reconductoring of primary lines sa Doña Carmencita Street sa Doña Carmen Subdivision.

Sa Las Piñas City, itinakda naman sa Marso 10 at 11 ang reconstruction ng primary lines sa J. P. Rizal Street sa Barangay Pamplona Uno, Las Piñas City.

Sa Marso 11 naman, apektado ang Imus City, Cavite dahil sa line reconstruction works sa Alapan II-B – Malagasang I-G Barangay Road sa Barangay Alapan II-B; San Pedro City, Laguna dahil sa pagpapalit ng mga poste, line reconductoring works at installation of facilities sa Narra Road sa Barangay San Antonio; at Project 8, Quezon City dahil sa line reconstruction works sa June Street sa Congressional Subdivision 3, Barangay Bahay Toro.

Sa Marso 12 naman, makakaranas ang Talipapa, Caloocan City ng power interruption dahil sa reconductoring of primary lines at installation of additional lightning protection devices sa Road 8 sa GSIS Hills Subdivision.

Nagtakda rin naman ng maintenance works ang Meralco sa Marso 12 at 13, at inaasahang apektado rito ang Carmona, Cavite dahil sa reconstruction ng mga pasilidad sa J. M. Loyola Street; Merville, Parañaque City dahil sa replacement of pole at line reconductoring works sa Monte Claire Street sa Merville Subdivision; at malaking bahagi ng Quezon City dahil sa line reconductoring works sa P. Tuazon Boulevard at C. Benitez Street sa mga Barangay ng Kaunlaran, Horseshoe at Bagong Lipunan Ng Crame.

Sa Marso 13 naman, inaasahang maaapektuhan ang Candelaria, Quezon Province dahil sa rekonstruksiyon ng mga pasilidad sa Maharlika Highway sa Barangay Bukal Sur; at Gen. Emilio Aguinaldo sa Cavite dahil sa pagpapalit ng mga poste, line reconductoring works at instalasyon ng mga karagdagang lightning protection devices sa Barangay Kabulusan.

Sa Marso 13 at 14 naman ay makakaranas ng pansamantalang pagkawala ng suplay ng kuryente ang Imus City, Cavite dahil sa pagpapalit ng mga pasilidad at line reconductoring works sa Gen. Emilio Aguinaldo Highway sa Barangay Palico II, habang Marso 14 naman nakatakda ang maintenance works sa Calamba City, Laguna na may nakatakdang line reconductoring works sa loob ng Carmelray Industrial Park 1 (CIP 1), Barangay Canlubang,