Barangay Health Emergency Response Teams, pinag-‘double time’ kontra virus
Inatasan ng Department of Interior and Local Government (DILG) ang local government units (LGUs) ng Metro Manila na kaagad pakilusin ang kanilang novel coronavirus disease (COVID-19) task force at para sa lahat ng mga barangay sa bansa na ihanda ang kanilang Barangay Health Emergency Response Teams (BHERTs) sa gitna ng code red sublevel 1 alert na ipinatupad ng Department of Health (DOH).
Inilabas ni DILG Secretary Eduardo Año ang kautusan sa layuning matulungan ang lahat ng mga kinauukulang ahensiya at mga grupo sa pagsusubaybay at pagpipigil sa pagkalat ng sakit sa mga komunidad.
Ipinaliwanag niya na ang Local COVID-19 Task Force of the National
Capital Region (NCR) “must work double-time to ensure that further spread of the virus will be halted’’.
“Local transmissions pose greater chances for the virus to spread and that’s the last thing we want to happen. Kaya naman inaatasan ko ang mga LGU ng NCR to activate their LCTF o Local COVID-19 Task Force to prevent the situation from escalating,” sinabi ni Año.
Dapat atasan ng LCTF ang Local Disaster Risk Reduction and Management Office at Local City Health Office, sa oras na natanggap ang referrals mula sa DOH-Emergency Operations Center, na direktang makipagugnayan sa, at ihatid o ibiyahe, ang mga taong nakitaan ng mga sintomas sa pinakamalapit na referral facility ng DOH para sa pagsusuri sa COVID-19.
Nabanggit ni Año na sa referral facility ng DOH, ang symptomatic persons o mga taong mayroong sintomas ay agad na isasailalim sa pagsusuri na tutukoy kung ang tao ay isang severe case o mild case.
Kapag napatunayang mild cases, sinabi ni Año na ang ambulansiya ay aatasan na dahil ang pasyenteng kumpirmado bilang Persons Under Investigation (PUIs) sa pinakamalapit na DOH-designated hospital para sa treatment and isolation o ia-admit kapag napatunayang malubhang kaso.
“It is only through cooperation and vigilance can we guarantee that this virus will not be a greater threat in our country,’’ sinabi ni Año.