Ex-PCGG chief, pinaaaresto

Iniutos ng Sandiganbayan Fourth Division ang pag-aresto kay dating Presidential Commission on Good Government (PCGG) chair Camilo L. Sabio matapos siyang mapatunayang nagkasala ng graft charge sa pagtatangkang impluwensiyahan ang kanyang kapatid sa Court of Appeals (CA) na magpasya pabor sa Government Service Insurance System (GSIS) noong 2008.

Siya ay pinarusahan na magdusa sa walang tiyak na parusa ng pagkabilanggo ng anim na taon at isang buwan bilang minimum hanggang sa 10 taon bilang maximum na may walang hanggan disqualification mula sa paghawak sa pampublikong tanggapan. Samantala, siya ay inasuwelto sa iba pang kaso ng graft dahil sa kabiguan ng tagausig na mapatunayan ang kanyang pagkakasala nang walang bahid ng pagdududa.

Isinampa ni Sabio ang kanyang motion for reconsideration noong Disyembre 21, 2019 at sinabing hindi napatunayan na si Atty. Jesus Santos ay talagang miyembro ng GSIS Board of Trustee sa panahong humingi siya ng tulong.

Binanggit din ni Sabio ang Rule on Double Jeopardy, na nagsasabing ang acquittalng kanyang pangalawang kaso ng graft ay hinahadlangan ang guilty verdict sa unang kaso ng graft. Ipinaliwanag niya na, it “constituted double jeopardy, there being a former conviction or acquittal for a similar offense or prosecution.”

Gayunman, nagpasya ang anti-graft court na ang kanyang mosyon ay walang merito. Sa resolusyon nito, binigyang diin ng korte na ang mosyon ni Sabio ay “belatedly filed,” dahil dapat itong ginawa sa loob ng 15 araw ng kalendaryo mula mula sa pagpapalabas ng hatol.

“Here, accused Sabio, who was present during the promulgated held on November 29, 2019, was actually notified of the Court’s adverse decision on said date. As such, he had 15 days or until December 14, 2019 within which to file his motion for reconsideration,” saad ng korte.

Ngunit kahit na balewalain ng korte ang tiyempo kung kailan isinampa ang mosyon, sinabi nito na nabigo pa rin ang mosyon na magbigay ng anumang kumbinsido at malaking dahilan na magbibigay-katwiran sa kanyang muling pagsasaalang-alang nito.

Kasabay nito, sinabi ng Sandiganbayan na si Sabio ay “grasping at straws” nang itinaas niya ang isyu ng Double Jeopardy dahil hindi ito nalalapat sa kanyang kaso.

“In view thereof, the motion for reconsideration dated December 21, 2019 of accused Camilo Loyola Sabio is hereby denied,” mababasa sa dispositive portion ng resolusyon. “Accordingly, the failure of the accused to file his motion for reconsideration within the prescribed period renders the judgment of conviction...final and executory.”

“Let a warrant of arrest be issued against the said accused and the postpromulgation bond he posted be cancelled,” dagdag dito.

Si Sabio ay inisyal na sinampahan ng two counts ng paglabag sa Section 3(a) ng R.A. 3019 o ng Anti-Graft and Corrupt Practices Act. Noong Mayo 30, 2008, inakusahan siya ng pang-impluwensiya kay Atty. Santos, isa pang public officer, sa pagkumbinse sa kapatid niyang si Justice Jose L. Sabio Jr. na tulungan ang GSIS sa kasong inihain laban dito ng MERALCO, na nakabimbin sa 9th Division ng CA, kung saan si Justice Sabio ang Chairperson.