Langis bagsak-presyo; Saudi Arabia nagdeklara ng price war

TOKYO (Reuters) – Bumagsak ang presyo ng langis sa halos 30% nitong Lunes, sa napipintong pinakamalaking pagkalugi ng langis ng United States, matapos ibaba ng Saudi Arabia ang presyo nito at nagtakda ng mga plano para sa isang dramatikong pagtaas sa produksyon ng krudo sa Abril.

Bumagsak ang mga presyo ng halos one-third kasunod ng hakbang ng Saudi Arabia na simulan ang isang digmaan sa presyo matapos umurong ang Russia sa paggawa ng karagdagang malaking pagbawas sa output na iminungkahi ng OPEC upang patatagin ang mga merkado ng langis na tinamaan ng mga pagkabahala sa pandaigdigang pagkalat ng coronavirus.

Ang Brent crude futures ay bumaba sa $13.29, o 29%, sa $31.98 klada bariles pagsapit ng 0433 GMT, matapos naunang bumaba sa $31.02, ang kanilang pinakamababa simula noong Pebrero 12, 2016. Patungo ang Brent futures sa kanilang pinakamalaking pagbaba simula noong Enero 17, 1991, nang magsimula ang unang Gulf War.

Ang U.S. West Texas Intermediate (WTI) crude ay bumaba sa $13.29, o 32%, patungo sa $27.99 kada bariles, matapos pumalo sa $27.34, ang pinakamababa nito simula Pebrero 22, 2016. Ang U.S. benchmark ay posibleng patungo sa pinakamalaki nitong pagbagsak sa talaan, malalagpasan ang 33% pagbagsak simula noong Enero 1991.

“I think all forecasts are out the window,” sinabi ni Jonathan Barratt, chief investment officer sa Probis Securities sa Sydney. “It seems like a race to the bottom to secure order(s).”

Ang pagkakawatak-watak sa grupo na tinawag na OPEC + - binubuo ng OPEC kasama ang iba pang mga prodyuser kabilang ang Russia – ay winawakasan ang mahigit tatlong taong kooperasyon sa pagsuporta sa merkado, pinakahuli ay kamakailan lamang upang patatagin ang mga presyo sa ilalim ng banta mula sa pang-ekonomiyang epekto ng coronavirus outbreakl

“This clearly is the start of a price war, and the Saudis were quick to react over the weekend, reducing their April official selling price for crude oil significantly,” sinabi ng ING Economics.