Mrs. Queen of Hearts Philippines 2020
LABIN-LIMANG empowered married women ang maglalaban-laban sa Mrs. Queen of Hearts Philippines 2020 beauty pageant na idaraos sa Abril.
Kabilang sa mga kandidata ngayong taon ay sina: Heraldine Cuanico Barcena (Bicol), Melissa Quiambao (Caloocan), Ivy Diana Bo (Cavite), Catherine Malacad (Dasmarinas), Joana Krisanta La Madrid (Ilagan), Joybelle Corpuz Portabes (Isabela), Catherine Castillo Jordas (Laoag, Ilocos Norte), Sarima S. Paglas (Maguindanao), Dorie Pizarra (Marinduque), Darling E. Topacio (Misamis Oriental), Annette Mendoza (Pampanga), Francesca Chin Yhang Park (Paranaque), Louise Suzanne Lopez (Quezon City), Glovel Tasco (Batangas), at Lalaine Federizo (Valenzuela).
Paglalabanan nila ang pitong international crowns kabilang ang Mrs. Global Universe Philippines 2021, Mrs. Worldwide Philippines 2020, Mrs. Asia Pacific Global Philippines 2020, Mrs. Asia Pacific All Nation Philippines 2020, Mrs. Asia Pacific Tourism Philippines 2020, Mrs. Asia Pacific Intercontinental Philippines 2020, at Mrs. Asia Pacific Cosmopolitan Philippines 2020. Habang mayroong ding dalawang national title na maaaring makuha.
Sa ginanap press presentation sa Okada Manila sa Paranaque City nitong weekend, Inanunsiyo na ang mga nagwagi ng special award para sa Darling of the Press. Kabilang sina: Sarima Paglas (Maguindanao), Louise Suzanne Alba Lopez (Quezon City), at Melissa Quiambao (Caloocan). Samantala, present naman sa event ang mga reigning queens na sina Mrs. Asia Pacific Global 2019 Avon Morales, Mrs. Asia Pacific Philippines Worldwide Llena Tan-Arcenas, Mrs. Asia Pacific Philippines Cosmopolitan 2019 Mary Chris Abacahin-Camacho, Mrs. Intercontinental Philippines Gynes Olbes, Mrs. All Nations Philippines Jennifer Siabug-las, at Mrs. Global Universe Philippines 2020 Rosenda Casaje.
Ayon kay Mitzie Go-Gil, founder at Chief Executive Officer ng Queen of Hearts Foundation, Inc., gaganapin ang grand coronation ng Mrs. Queen of Hearts Philippines 2020 sa Abril 7.
Ngunit dahil sa banta ng COVID-19, nagdesisyon silang ilipat ang petsa ng coronation base na rin sa payo ng management ng Teatrino Greenhills kung saan idaraos ang event.
“So far, no date has been set for the pageant because there was a two-week lock down at the Greenhills Commercial Center where our venue is located. We will announce the new date for the pageant real soon,” ani Gil.
Ang Mrs. Queen of Hearts Philippines 2020 pageant ay taunang kompetisyon na sumusuporta sa Queen of Hearts Foundation, isang non-stock, non-profit organization na itinatag noong 2018, na may layuning makatulong sa mga mahihirap na bata at mga misis.