Lockdown sa NCR ‘di kailangan
Hindi interesado si Pangulong Rodrigo Duterte sa ideya na maagang ilagay ang National Capital Region (NCR) sa lockdown matapos iulat na umabot na sa 24 ang bilang ng mga sakit na coronavirus-2019 (COVID19) sa bansa nitong Lunes ng gabi. Ginawa ni Duterte ang pahayag matapos na iminungkahi ni Albay 2nd District Representative Joey Salceda ang isang linggong lockown ng Metro Manila upang mapabagal ang pagkalat ng sakit. Sa press briefing sa Malacañang, tinanggihan ni Pangulong Duterte ang mga mungkahi na isara ang NCR ngunit sinabi na maaari itong mangyari kung mayroong libu-libong mga kaso ng COVID-19. “We haven’t reached that kind of contamination... Iisa isa lang, with this transmission you want to close down the economy?” aniya sa mga mamamahayag nitong Lunes ng gabi. “There will be a time I suppose, I hope not. I hope God will have mercy on the Filipino people. It’s too early at this time,” dagdag niya. Ayon sa Pangulo, ang lockdown ay magpapahirap sa pagpasok ng mga supply, tulad ng bigas, sa Metro Manila. Gayunman, inihayag ni Pangulong Duterte ang pagsuspinde sa mga klase sa lahat ng antas sa NCR mula Marso 10-14 upang maprotektahan ang mga batang magaaral mula sa sakit. Sa isang press briefing sa Malacañang Lunes, sinabi ni Health Secretary Francisco Duque III na maaaring maaga pa upang magpahayag ng isang lockdown maaga. “We will have to wait until evidence of sustained community transmission is presented,” aniya. Sa pulong sa Kamara, ipinaliwanag ni Duque na ipatutupad ang lockdown “if there is sustained human to human community transmission--meaning that there are already clusterings that you cannot link them together.” “We still try our best to contain,” aniya. Nauna nang sinabi ni Salceda na ang lockdown ng NCR ay hindi dapat isantabi kung kinakailangan upang mapabagal ang pagkalat ng COVID-19. “The costs of mass community transmission far outweigh the economic losses arising from preemptive actions. Zero casualty doctrine should extend to all emergencies, especially health emergencies,” aniya.