Led Zeppelin kinatigan sa ‘Stairway to Heaven’ copyright case

KINATIGAN ng U.S. appeal court ang Led Zeppelin upang panatilihin ang desisyon ng korte na hindi ninakaw ng banda ang opening guitar riff para sa Stairway to Heaven, mula sa isang kanta na isinulat four years earlier.

Sa 9-2 desisyon, inihayag ng 9th U.S. Circuit Court of Appeals sa San Francisco na hindi kinopya o ninikaw nina lead singer Robert Plant at guitarist Jimmy Page ang 1971 rock anthem mula sa kantang Taurus, na isinulat ng guitarist Randy Wolfe ng bandang Spirit.

“The trial and appeal process has been a long climb up the ‘Stairway to Heaven,’” pahayag ni Circuit Judge Margaret McKeown.

Namatay sa pagkalunod noong 1997 si Wolfe, may stage name na Randy California, ngunit isang trustee sa kanyang estate ang humihingi ng bayag-danyos na milyong dolyar.

“Obviously, the court got it wrong,” ayon sa abugado ng trustee, Francis

Malofiy, sa isang interview. “This is a big loss for creators, those who copyright laws are meant to protect.” Ibinahagi naman ni Malofiy ang posibleng pag-apela sa U.S. Supreme Court.

Hindi naman na nagkomento ang legal team ng Led Zeppelin.

Isang tagumpay para sa music industry ang pagwawagi ng kaso, na kasalukuyang umaahon mula sa 2015 verdict kung saan kinopya umano ng Blurred Lines nina Robin Thicke at Pharrell Williams Marvin Gaye’s 1977 hit na Got to Give It Up.

Iniutos ng juror ang pagbabayad ng $7.4 million, na kalaunan ay naibaba sa $5.3 million. Habang patuloy namang umaapela si Katy Perry sa $2.8 million verdict noong Agosto para sa isang hiwalay na copyright case sa kanyang kanta na Dark Horse.

Ayon sa trustee ni Wolfe, Michael Skidmore, ang Stairway at Taurus ay may similar chord progressions, at isinulat umano ni Page ang “Stairway” matapos marinig ang “Taurus” habang nasa tour ng dalawang banda.

Ibinasura rin ng korte ang “inverse ratio” rule, lalo’t “the more access songwriters have to earlier works, the lower the bar for proving substantial similarity.”

“We have never extended copyright protection to just a few notes,”pahayag ni McKeown .