Ika-66 na labas
DAHIL natiyak ni Tandang Mundong na hindi magiging hadlang sa misyon nila ni Allea sa pagbabalik sa barangay Alagaw para bigyan ng katarungan ang magulang ng dalaga, inanyayahan niyang maghapunan si Ramil sa bahay. Dahil pinangalawahan ni Allea ang anyaya ng matandang albularyo, pumayag ang barangay tanod. Habang hinihintay na maluto ang hapunanginihahanda nila Rolan at Lyka, nagpatuloy sa paguusap sila Tandang Mundong, Ramil at Lyka sa sala. Kahit hindi gustong mangyari nila Tandang Mundong at Allea, naging paksa ng kanilang pag-uusap ang krimeng naganap sa magulang ng dalagamahigit sampung taon ang nakakaraan. Malagim at karumal-dumal na krimeng hindi pa nahuhuli ang mga salarin na lingid sa kaalaman ni Ramil, pangunahing dahilan sa pagbabalik ni Allea sa kanilang barangay.
“Lolo Mundong, tulad ho ni Allea bata pa ako ng maganap ang pangyayaring ‘yun kaya wala akong ideya kung sino ang mga salaring pumatay kay Mang Horacio at Aling Karina,” wika ni Ramil. “Ngunit kung sinuman sila, kailangan nilang panagutan ang karumal-dumal at malagim na krimeng kanilang ginawa.”
“Palagay ko, malabo nang mangyari ang sinasabi mong ‘yan,
Ramil,” sagot ni Tandang Mundong na inililigaw ang barangay tanod sa tunay na layunin ng pagbabalik ni Allea sa barangay Alagaw.
“Bakit naman ho?” Tanong ni Ramil.
“Bukod sa mahigit ng sampung taon na ang nakaraan ng maganap ang krimen, walang nakakita sa mga salaring magtuturo para mahuli at magdidiin sa kasong kakaharapin nila sa korte bilang testigo,” paliwanag ni Tandang Mundong.
“Malamang na ang mga pangyayaring sinasabi ni Lolo Mundong ang maganap, Ramil,” ayon ni Allea sa matandang albularyo. “Dahil kahit ako, hindi ko maituturo ang mga salaring ‘yun kahit nakita ko ng gabing pasukin ang aming bahay.”
“Bakit?” Tanong ni Ramil kay Allea.
“May takip ang mukha ng tatlong lalaking pumasok sa aming bahay,” paliwanag ni Allea. “Kaya, kahit nakakaramdam ako malaking galit sa nangyari sa aking mga magulang, ipinapasa-Diyos ko na lang.”
“Dapat talagang panagutan ng mga salaring ‘yun ang krimeng naganap sa magulang mo, Allea,” wika ni Tandang Mundong. “Ngunit huwag kang malungkot dahil hindi natutulog ang Diyos, tiyak na pagbabayaran ng mga salaring ’yun ang pagkakasalanila sa takdang panahon.”
“Hindi ho kayo nagkakamali, Lolo Mundong,”sagot ni Ramil. “Tiyak na pagbabayaran ng mga salaring‘yun angkanilang pagkakasala, kung hindi dito sa lupa, sa impiyerno.”
“Walang dudang magaganap ang sinabi mong ‘yan, Ramil,” wika ni Tandang Mundong.“Dahil lahat ng kasalanan ng tao dito sa mundo, pinagbabayaran nila sa impiyerno.”
Dahil hindi alam ni Ramil ang layunin ng kaklase sa pagbabalik sa kanilang barangay, muli niyang sinang-ayunan ang pananaw ni Allea at ng matandang albularyo. Pananaw na hindi niya alam, salungat sa nais mangyari nila Tandang Mundong at Allea dahil handa na ang balak sa gagawin nilang paghihiganti. Natigil sa pag-uusap nila nang tawagin sila ni Rolan para kumain na ng hapunan. Isang masagana at masayang hapunan ang pinagsaluhan nilang sinundan ng paginom nila Tandang Mundong, Ramil at
Rolan ng alak na barikolkol na inilaan ng pamilya ng matandang albularyo sa mga bisitang darating. At tulad ng dapat asahan, muling natalakay sa pag-uusap ang malagim at karumaldumal na krimeng naganap sa magulang ni Allea mahigit sampung taon ang nakakaraan. Krimeng natitiyak nila Tandang Mundong at Allea na mabibigyan ng katarungan sa tulong ng mga nilikha mula sa daigdig ng kababalaghan.
Itutuloy...