800 quarantine areas, itinatag

PCSO OPERATIONS,

TIGIL-MUNA

Kaugnay nito, suspendido na ang operasyon ng PCSO sa buong bansa, alinsunod sa kautusan ng Pangulong Rodrigo Duterte na magpatupad ng enhanced community quarantine sa Luzon, upang masugpo ang virus.

Aniya, napagkasunduan ito ng kanyang board upang matiyak na mapangalagaan ang kalusugan ng mga empleyado, ahente, tumatangkilik sa laro ng PCSO at sambayanang Pilipino.

Ani Garma, ang suspensiyon ng Lotto, Digit Games at Keno sa buong bansa ay sinimulan umano dakong 4:00 ng hapon nitong Martes, Marso 17.

Ang operasyon naman ng Small Town Lottery (STL) ay suspendido rin ngunit sa Luzon lamang habang ang STL sa Visayas at Mindanao ay isasailalim sa araw-araw na monitoring.

Simula naman kahapon, Marso 18, ay suspendido na rin ang operasyon ng PCSO sa Lung Center of the Philippines.

Nagtalaga na rin naman umano ang PCSO ng Hotline numbers para sa mga humihingi ng assistance sa kanilang tanggapan, kabilang dito ang mobile numbers na 09457746439, 09152962243; 09177035866 at landline number na 0284043956.

Iri-refer na lamang umano ang mga humihingi ng tulong sa pinakamalapit na ospital na may Malasakit Center at iba pang government hospitals.

Kaugnay nito, tiniyak naman ni Garma na sa kabila ng mga hakbang na ito, makakaasa ang sambayanang Pilipino na ang buong kawani ng PCSO ay parating nakaantabay sa mga pangyayari at handang magbigay ng serbisyo sa anumang oras kung kinakailangan.

Matatandaan na kamakailan lang ay una nang nag-apruba ang PCSO Board ng P420 Milyon bilang ayuda sa gobyerno para sa paglaban sa COVID-1.

Kaugnay nito, nagtatag naman ang Philippine National Police (PNP) ng mahigit sa 800 quarantine areas sa mainland Luzon

Para sa mga commuters at motorista na makikitaan ng sintomas ng COVID-19 sa pagsasagawa nila ng checkpoint.

Binanggit ni PNP chief Gen. Archie Gamboa, bago pa palawigin sa buong Luzon ang community quarantine ay Tinukoy na nila ang mahigit sa 800 quarantine areas sa Luzon.

“These are manned by 4,374 policemen so far and supported by forces from the Armed Forces of the Philippines and the Philippine Coast Guard (PCG),” sabi Gamboa.

Ipinaliwanag nito, kabilang sa nabanggit na community quarantine stations ay nasa Northern Luzon, Cordillera, Cagayan Valley Region, Central Luzon, CALABARZON (Cavite, Laguna Batangas, Rizal, Quezon) at Bicol Region.

Ito aniya ay bilang suporta sa pagpapakalat ng quick response teams (QRTs) na nakatalaga sa mga checkpoint area.

Trabaho aniya ng QRT na ihiwalayan mga nakakakitaan ng sintimas ng virus, katulad ng mataas na temperatura ng katawan, at lagnat.

Sinabi nito Gamboa, pahuhusayin pa nila ang pagpapatupad ng Enhanced Community Quarantine sa susunod na mga araw dahil nakadepende lamang ito sa mga bagong hakbang na iminumungkahi ng Inter-Agency Task Force.

Nauna nang iniutos ni Pangulong Rodrigo Duterte sa IATF at sa mga opisyal ng Gabinete magsagawa ng madalas na pagpupulong bilang pagtugon laban sa COVID-19.

“Major adjustments will be made by the concerned Police Regional Offices to cope with the contingency and accomplish the objective to limit movement of people and human traffic to win over this pandemic,” aniya.