Panatilihin ang pag-asa sa panahon ng krisis
ISINISI ng mga economic managers ng bansa ang mataas na presyo na tumama sa bansa noong 2018, dahil sa biglaang pagtaas ng pandaigdigang presyo ng gasolina. Nagsimula ang presyo sa merkado sa Pilipinas, na sinuri ng mga ekonomista sa inflation rates noong Enero nang taong iyon, na pumalo sa tatlong taong pinakamataas noong Mayo na may inflation rate na 4.5 porsiyento, na kalaunan ay umabot sa pinakamataas na tala ng 6.7 porsiyento noong Setyembre.
May iba pang mga salik, ayon sa mga economic managers, kabilang ang inamin nila na, ang bagong ipinatupad na TRAIN law na nagpapataw ng taripang P2 kada litro sa mga angkat na diesel, dagdag pa ang manipulasyon ng ilang negosyante. Ngunit ang pangunahing rason, anila, ay ang malaking pagtaas sa presyo ng langis sa mundo.
Ngayon, nasasaksihan natin ang taliwas na pagbabago sa pagbagsak ng pandaigdigang presyo ng langis. Matapos magsimula ang coronavirus epidemic sa Wuhan, China, na nagpasara sa karamihan ng industriya ng China, kaya naman kinailangan nito ang malaking halaga ng langis para sa kanilang mga pabrika. Patuloy ang hakbang ng Saudi Arabia at ang kaalyado nitong Organization of Petroleum Exporting Countries (OPEC) upang mapanatili ang presyo ng langis sa pamamagitan ng pagbabawas ng suplay, ngunit ang Russia, na isa ring pangunahing oil producer sa mundo, ay hindi sumabay sa taktika at sa halip ay tinaasan ang kanilang produksiyon, na nagresulta pagbaha ng suplay ng langis sa mundo at nagresulta sa pagbagsak ng presyo ng langis.
Nagresulta naman ito ng pagbagsak sa presyo ng lokal na merkado sa Pilipinas. Bumaba ang ating inflation rate sa 2.6 porsiyento noong nakaraang taon, at pinangangambahan na babagsak pa ang average rate para ngayong taon ng 2020 sa 1.7 porsiyento.
Mababa ang presyo ng langis sa mundo dahil sa mababang demand sa mabagal na pag-usad ng ekonomiya ng mundo. Ang ating ekonomiya sa Pilipinas ay pinakamatinding tinamaan sa industriya ng turismo. Ipinagbawal natin ang lahat ng mga bisita mula sa maraming bansa, sa pangunguna ng South Korea at China, ang pangunahing dalawang bansa na pinagmumulan ng mga turista na bumibisita. Isa pang malaking pinagkukunan natin ng taunang dolyar na kita ang ating mga Overseas Filipino Workers ngunit marami sa kanila ang pinauuwi dahil sa coronavirus.
Una ngayong taon, mataas ang ekspektasyon ng pamahalaan sa paglago ng ating ekonomiya, na may hangaring 6.7 hanggang 7.5 porsiyento Gross Domestic Product (GDP). Mula noon, may pagtingin na sa mga tao na lahat ng mga inaasahang ito ay hindi maaabot lalo na ngayon na ang Pilipinas, kasama ng buong mundo, ay nagdurusa mula sa pandemic na pumatay sa libu-libong tao, nagpasara sa ilang ekonomiya ng bansa, at nagpahinto sa maraming gawaing panrelihiyon at iba pang tradisyon sa kalimitang isinasabuhay sa panahong ito ng taon.
Ngunit nitong nakaraang linggo, sa pamamagitan ng isang social media post, inihayag ni Banko Sentral ng Pilipinas (BSP) Governor Benjamin Diokno, na patuloy siyang naniniwala na ang economice fundamentals “are on our side” at “even under the worst possible scenario, the Philippines can still grow this year in the medium term by about 6 percent.”
Ikinalulugod natin ang kanyang optimismo, lalo na sa panahong ito na kinakikitaan ng pagkukulang nito sa ating mga opisyal at mga kababayan. Kailangan nating ituon ang oras sa paglampas sa pagsubok na ito ng coronavirus epidemic, ngunit kailangan din nating panatilihin ang ating mataas na pag-asa at ekspektasyon at maging handa na humakbang sa puntong matapos na ang panganib.