State of Calamity sa PH

NAGDEKLARA si Pres. Rodrigo Roa Duterte ng state of calamity sa loob ng anim na buwan sa buong bansa bilang tugon sa lumalaganap na coronavirus disease 2019 (COVID-19) sa maraming lugar sa Pilipinas.

Sa pamamagitan ng ganitong deklarasyon, magkakaroon ng laya ang Pangulo na gamitin ang calamity funds ng gobyerno na nagkakahalaga ng P16 bilyon sa ilalim ng 2020 national budget nang hindi siya pupunahin o kokontrahin ng mga kritiko at

kalaban.

Sa state of calamity, pahihintulutan din ang mga lokal na pamahalaan na makuha agad ang special funds para tulungan ang kanilang mga kababayan sa panahon ng public health emergency.

“There is hereby declared a State of Calamity throughout the Philippines for a period of six months, unless earlier lifted or extended as circumstance may warrant,” sabi ni PRRD sa Proclamation No. 929 na nilagdaan niya noong nakaraang Lunes.

Sa Proclamation 929, binanggit ni Mano Digong na patuloy sa pagdami ang mga kaso ng COVID-19, dahilan upang itaas ng Department of Health (DOH) at ng Inter-Agency Task Force for Emerging Infectious Disease (IATF) ang alert level sa CODE Sublevel 2, na nagbabadya na may mga mga kaso na ng hawaan ng sakit na ito sa mga komunidad (local transmission).

Sa kabila ng pagsisikap ng

pambansang gobyerno na supilin ang corona virus, patuloy na dumarami ang mga kaso ng COVID-19. Badya ng Pangulo: “The Declaration will afford the National Government, as well as the Local Government Units, ample latitude to utilize appropriate funds including the Quick Response Fund, in their disaster preparedness and response efforts to contain the spread of COVID-19, and to continue to provide basic services to the affected population.”

Idineklara ng Pangulo ang state of calamity sa araw na ipinataw rin niya ang Enhanced Community Quarantine (ECQ) sa buong Luzon mula Marso 17 hanggang Abril April 12,2020 bilang bahagi ng matinding pagsisikap ng pamahalaan na masawata ang paglaganap ng coronavirus.

Gayunman, may mga negatibong epekto rin ang ECQ at state of calamity sa libu-libong Pinoy, lalo na sa mga manggagawa at kawani mula sa mga

probinsiya na araw-araw ay naguuwian sa kani-kanilang tahanan matapos ang trabaho sa Metro Manila. Marami sa kanila ang na-stranded at hindi nakapasok sa trabaho.

Ipinagbawal ang pagpasok ng mga pampublikong sasakyan sa Metro Manila mula sa mga lalawigan. Dahil dito, walang masakyan ang mga manggagawa. Ang mga arawangmanggagawa ang labis ang pinsala dahil wala silang suweldo kapag hindi nakapagtrabaho. Gutom ang pamilya.

Samantala, sa Pasig City, pinayagan ni Mayor Vico Sotto ang mga tricycles na magbiyahe at magsakay ng mga pasahero, lalo na ang mga health workers at service providers. Exempted ang mga tricycle sa travel ban dahil walang ibang masakyan ang mga tao. Maganda ang kapasiyahang ito ni Mayor Vico at sana ay gayahin din ito ng ibang mga Mayor at pinuno ng gobyerno.