W.H.O. chief: Pandemya ng COVID-19, pabilis
Malinaw na pabilis ang pandemya ng novel coronavirus, babala ng World Health Organization nitong Lunes, ngunit sinabi na posible pa ring mabago ang trajectory nito sa pamamagitan ng agresibong pag-atake sa virus.
Ang pahayag ay dumating kasabay ng pagsirit ng bilang ng mga namatay sa mahigit 15,000, na may mahigit 341,000 kataong nahawaan sa buong mundo, ayon sa tally na tinipon ng AFP mula sa official sources.
“The pandemic is accelerating,” sinabi ni WHO chief Tedros Adhanom Ghebreyesus sa isang virtual news conference.
Sinabi niya na inabot ng 67 araw simula nang mag-umpisa ang outbreak sa China nooong Disyembre para makapanghawa ang virus ng unang 100,000 katao sa buong mundo.
Kung ikukumpara, inabot lamang ng 11 araw para sa pangalawang 100,000 kaso at apat na araw lamang para sa ikatlong 100,000 kaso, sinabi niya.
Ang bilang ng officially recorded cases ay pinaniniwalaang kumakatawan sa maliit na parte lamang ng tunay na infections, dahil maraming bansa ang tine-test lamang ang pinakamalalang kaso na nangangailangan ng hospitalisation.
“We are not helpless bystanders. We can change the trajectory of this pandemic,” ani Tedros.
Mensahe ni Messi Sinahan ni FIFA president Gianni
Infantino, ikinumpara ni Tedros ang paglaban sa COVID-19 sa football tactics.
“You can’t win a football game only by defending. You have to attack as well,” sinabi ni Tedros.
Ang physical distancing ay maaaring magbigay ng panahon para mapabagal ang pagkalat, “but they are defensive measures that will not help us to win,” aniya.
“To win, we need to attack the virus with aggressive and targeted tactics,” sinabi niya, muling idiniin ang panawagan para sa “testing every suspected case, isolating and caring for every confirmed case and tracing and quarantining every close contact.”
Inilunsad ni Tedros at Infantino ang joint campaign na naglalayong ipakalat ang mensahe kung paano protektahan ang sarili laban sa infection upang masimulan ang pag-“kick out” sa coronavirus.
Sa isang social media video clip, inilatag ng football stars mula sa buong mundo ang limang simple steps para gamitin ang “hands, elbow, face, distance and feel.”
Sinabi ni Barcelona at Argentina icon Lionel Messi na: “For your face, avoid touching your eyes, your nose and your mouth. This can prevent the virus from entering your body.”
Idinagdag ninSamuel Eto’o, isa sa Africa’s greatest strikers, na: “If you feel unwell, stay home.”