17 huli sa pagsasabong
NUEVA ECIJA – Labingpito katao ang dinakip ng mga awtoridad dahil sa paglabag sa ‘enhanced community quarantine’ at paglabag din sa anti-illegal gambling (cockfighting) o ‘bularet’ matapos magsagawa ng raid sa Brgy. Dimasalang Sur, Talavera, Nueva Ecija at Bgy. Poblacion East, Rizal, Nueva Ecija noong Linggo ng hapon.
Sa bayan ng Talavera, 13 kalalalakihan ang dinakip ng pulisya habang nasa akto ng ‘bularet’ operations matapos salakayin ang ng pulisya makaraang makatanggap ng tip mula sa isang concerned citizen.
Dakong 4:50 ng Linggo ng hapon ang magsagawa ng raid sa lugar at isa-isang dinampot ang mga suspek sa kasagsagan ng ilegal na ‘bularet’.
Ang mga dinampot na mga suspek ay sina Jessie Estares, 34; Ricardo Padigdig, 35; Ricky Magtalapa, 34; Ricardo Magtalapa, 54; Raymong Magtalapa, 25; Ryan Magtalapa, 32; Ricardo Magtalapa, 54; Renzo Magtalapa, 23; Restituto Magtalapa, 52, Michael Duran, 24; Mark Jerome Ferry, 27; Larry Somera,48; Wilfredo Marcos Jr., 26 at Abert Magtalapa, 28, lahat pawang taga- Brgy. Dimasalang Sur, Talavera, Nueva Ecija.
Nasamsam ng pulisya mula sa mga suspek ang 6-fighting cocks; 14 na piraso ng tari; 2-talunang manok; 4-na cock gloves; at P2,000 bet money.
Sa pagsisiyasat nina PSSgt. Gilbert
V. Dizon at PSSgt. Rannie Santos, may hawak ng kaso, huli sa akto ang mga suspek sa illegal bularet operations, kaya pinag-aaresto ang mga ito.
Samantala, apat na katao ang dinakip din sa katulad na illegal cockfighting (tupada) sa Brgy. Poblacion East, Rizal, Nueva Ecija na sina Jonar Ramos, 34; Ronald Antolin, 41; Christopher Fernandez, 22; Alex Caguas, 37, lahat mula sa naturang barangay na nahulihan din ng mga illegal na gamit sa ‘tupada’.
Kasong pagbalag sa PD 1602 o anti-illegal gambling (cockfighting)
ang isinampa sa Prosecutor’s 0ffice habang mga nakakulong sa istasyon ng pulisya.