Apo ni Duterte, pasaway sa ECQ

DAVAO CITY – Huminingi na ng paumanhin ang anak ni Pangulong Rodrigo Duterte na si 1st District Rep. Paolo Duterte, sa publiko kasunod ng maling inasal ng anak ng kongresista sa ipinatutupad na enhanced community quarantine sa nasabing lungsod, kamakailan.

“It has come to my attention that my son, Omar Duterte, went to S & R Davao and he did not line up to conduct the stringent screening requirements of the establishment,” ayon sa kanya.

Inilabas ng mambabatas ang reaksyon matapos magalit ang netizen kaugnay ng insidente.

Nai-share pa ng netizen ang official statement ni Mayor Sara Duterte na nagsasabing “walang ipaiiral na VIP treatment sa implementasyon ng ECQ sa lungsod.”

Binanggit sa social media na bigla na lamang pumasok si Omar nasabing supermarket sa kabila ng mahabang pila ng mga nagnanais ding mamili sa naturang establisimyento.

“It is with humility that I apologize for the behavior of Omar and his impertinence shall be dealt with accordingly,” bahagi ng pahayag ng anak ng Pangulo.

Iniimbestigahan na rin ng Presidential Security Group (PSG) ang maling inasal ng security team ni Omar.