Virus testing center, tinanggihan ng DOH

Hindi pinayagan ng Department of Health (DOH) na makapag-operate ang itinayong coronavirus disease 2019 (COVID-19) testing center na ipinatayo ng Marikina City government.

Nitong Miyerkules ay nakatanggap si Marikina City Mayor Marcy Teodoro ng liham mula sa DOH na may petsang Marso 24, na nagsasaad na hindi maaaring aprubahan ang pasilidad dahil hindi pumasa sa ipinatutupad nilang standard.

Inirekomenda rin naman ng DOH na ang panukalang COVID-19 testing facility ay dapat na nakalagay sa isang hiwalay na lokasyon o pasilidad sa labas ng City Health Office upang maiwasan ang crossinfection, gayundin ang foot traffic para na rin sa proteksiyon ng staff at Marikina residents.