Study: Mamamatay sa pandemya aabot sa 1.8 M
Ang bilang ng mga mamamatay sa coronavirus pandemic na kumakalat sa buong mundo ay maaaring umabot sa 1.8 milyon sa buong mundo ngayong taon sa kabila ng mabilis at mahigpit na mga hakbang na ipinatupad para ito ay mapigilan, ayon sa pag-aaral mula sa Britain’s Imperial College na inilathala nitong Huwebes.
Tinaya ng mga mananaliksik na milyun-milyong buhay ang maaaring masagip kung mabilis ang gobyerno sa pagpatupad ng istriktong public health measures, kabilang ang testing, quarantining at malawakang social distancing.
Ang latest report mula sa Imperial College London, na ang dating pananaliksik ay nagtulak sa British government na palakasin ang mga pagsisikap na masugpo ang virus, ay dumating habang ang AFP toll based batay country data at World Health Organisation figures ay nagpapakitang ang global infections na umabot sa 500,000, kabilang ang mahigit 22,000 namatay.
Ang Imperial College modelling simulations ay batay sa kasalukuyang data tungkol sa severity ng virus -- ang kanyang contagiousness at tinatayang mortality rate -- gayundin ang demographic at societal factors.
Sa pampakalmang projection sa kung ano ang mangyayari kung walang ginawa para ito ay mapigilan, sinabi sa study na kapag hindi nasuri maaaring mahawaan ng COVID-19 ang halos lahat sa planeta ngayong taon at papatay ng 40 milyon katao.
“Our analysis highlights the challenging decisions faced by all governments in the coming weeks and months, but demonstrates the extent to which rapid, decisive and collective action now could save millions of lives,” sinabi ng mga may-akda.
Nagbabala rin ang study na “suppression strategies will need to be maintained in some manner until vaccines or effective treatments become available to avoid the risk of later epidemics”.