Boracay doctor, nahawa

KALIBO, Aklan – Isang doktor ng Boracay District Hospital ang kabilang sa tatlong nagpositibo sa coronavirus disease 2019 (COVID-19) sa nasabing lalawigan.

Sa isinagawang puong balitaan, binanggit ni Dr. Cornelio Cuachon, Jr., ng Provincial Health Office, na ang 37anyos na frontliner ay kasalukuyang ginagamot sa Aklan Training Center. Pawang senior citizen naman ang dalawang iba pang nagpositibo sa naturang sakit na kapwa may travel history sa Metro Manila.

Ayon kay Cuachon, stable naman ang kalagayan ng tatlong COVID patients.

Bukod sa tatlo, may isa pang hinihintay na resulta ang PHO sa Research Institute for Tropical Medicine (RITM) sa Metro Manila.

Kamakailan, ipinasara ang Boracay District Hospital para ma- disinfect ito.