Gen 2:18-25 • Slm 128

Noong panahong iyon, nagtungo si Hesus sa lupain ng Tiro at tumuloy sa isang bahay doon. Ayaw sana niyang malaman ninuman na naroon siya, subalit hindi gayun ang nangyari. Ang pagdating niya’y nabalitaan ng isang inang may maliit na anak na babaing inaalihan ng masamang espiritu. Pumunta siya agad kay Hesus at nagpatirapa sa kanyang harapan. Ang babaing ito’y Hentil—tubo sa Sirofenica. Ipinamanhik niya kay Hesus na palayasin ang demonyo na nasa kanyang anak, ngunit sinabi ni Hesus, “Kailangang busugin muna ang mga anak.

PAGSASADIWA:

“May isang babaeng nakabalita tungkol sa kanya. Inaalihan ng maruming espiritu ang kanyang dalagita kaya pumunta siya at nagpatirapa sa kanyang paanan.”— May mga pagkakataong nais ni Hesus na mapag-isa sa piling ng kanyang mga alagad. Sinasamantala ni Hesus ang mga pagkakataong sila-sila lamang ng mga apostoles ang magkakasama para turuan sila ng mga bagong aral. Sa kabila nito, hindi pa rin nailihim sa ibang tao ang kanyang pagdating sa Tiro at sinugod siya ng isang babae upang humingi ng tulong para sa kanyang anak.

Hindi nagdalawang-isip ang babae na lumapit kay Hesus at nagpatirapa pa siya. Bagama’t isa siyang pagano, nanaig sa babaeng ito ang pagiging isang ina na gagawin ang lahat para sa kanyang minamahal na anak. Kahit nagpasaring si Hesus at tinukoy siya na “tuta” buong tatag namang sumagot ang babae: “Totoo nga, Ginoo, pero kinakain ng mga tuta sa ilalim ng mesa ang mga nalaglag mula sa mga bata.” Namangha si Hesus sa pananampalataya ng babaeng ito at ipinagkaloob ang kanyang kahilingan.