Impeachment vs Leonen, inindorso
Kumilos na ang isang kongresista upang maisulong ang impeachment complaint laban kay Supreme Court Associate Justice Marvin Leonen.
Sa kanyang liham kay House Majority Leader Martin Romualdez na may petsang Marso 25, inindorso ni Lord Allan Velasco sa House Committee on Rules, ang mga orihinal na kopya ng reklamong impeachment laban kay Leonen upang maisama ito s order of business ng Kongreso.
Matatandaang ang reklamo ay iniharap ni Edwin Cordevilla, secretary general ng Filipino League of Advocates for Good Government, at sinundan naman ng pag-iindorso ni Rep. Angelo Marcos Barba.
Si Barba, kinatawan ng 2nd District ng Ilocos Sur, ay pinsan ni dating Senator Ferdinand “Bongbong” Marcos, Jr.
Nitong Pebrero, ibinasura ng Supreme Court bilang Presidential Electoral Tribunal (PET) ang electoral protest ni Marcos laban kay Vice President Leni Robredo dahil sa “lack of merit”.