Taga-Zamboanga, naka-jackpot sa lotto

Nasolo ng isang mananaya ang P298 milyong jackpot ng Grand Lotto 6/55 na binola ng Philippine Charity Sweepstakes Office (PCSO) nitong Sabado ng gabi, Marso 27.

Ayon kay PCSO General Manager Royina Garma, naiuwi ng isang masuwerteng mananaya mula sa Zamboanga del Sur ang P298,776,641.20 matapos na matagumpay na mahulaan ang six-digit winning combination na 38 - 35 - 11 - 22 - 39 – 47.

Nabili ang ticket sa Pagadian City.