Kawatan, natiyempuhan ng pulis, pinosasan
Natiyempuhan din kahapon ng mga pulis ang isang 47 anyos na lalaking sangkot sa kasong theft at natutop sa Barangay Cut-Cut 1st, Tarlac City.
Sinabi ni Police Staff Sergeant Ariel Yalung, may hawak ng kaso, ang naaresto ay si Noly Barrientos, may-asawa, ng Barangay Sto. Tomas,
Peñaranda, Nueva Ecija.
Si Barrientos ay may Bench Warrant sa kasong theft na itinala sa ilalim ng Criminal Case Number 77-2021 na inisyu ni Acting Presiding Judge Rhodalyn Navarro Montemayor-Abas ng MTCC, Third Judicial Region, Branch 2, Tarlac City.