Saudi Arabia magtatanim ng bilyong puno sa disyerto
RIYADH (AFP) - Inihayag noong Sabado ng nangungunang tagaluwas ng krudo na Saudi Arabia ang isang malawak na kampanya upang harapin ang pagbabago ng klima at mabawasan ang emisyon ng carbon, kabilang ang isang plano na magtanim ng bilyun-bilyong mga puno sa mga darating na dekada.
Ang OPEC kingpin ay tila isang malayong kampeon ng malinis na enerhiya, ngunit ang “Saudi Green Initiative” ay naglalayong bawasan ang mga emisyon sa pamamagitan ng pagbuo ng kalahati ng enerhiya nito mula sa mga renewables hanggang 2030, sinabi ng de facto ruler na si Crown Prince Mohammed bin Salman. Plano rin ng Saudi Arabia na magtanim ng 10 bilyong mga puno sa kaharian sa mga darating na dekada, sinabi niya sa isang pahayag na inilabas ng opisyal na ahensya ng SPA news agency.
Plano rin ni Riyadh na makipagtulungan sa ibang mga estado ng Arab sa isang “Middle East Green Initiative” upang magtanim ng karagdagang 40 bilyong mga puno, na magiging pinakamalaking programa sa reforestation sa buong mundo, idinagdag niya. “The kingdom, the region and the world needs to go much further and faster in combatting climate change,” sinabi ni Prince Mohammed.
Hindi nakadetalye s pahayag kung paano ipatutupad ang malaking plano sa isang malawak na disyerto.