Lider mangagawa sa Laguna, tinodas

Patay ang isang lider manggagawa nang barilin ng hindi nakilalang suspek habang sakay ng motorsiklo nitong Linggo ng gabi sa Barangay Canlubang, Calamba City, Laguna.

Sa ulat ng Calamba PNP kinilala ang biktima na si Dandy Miguel, 30, vice-chairman ng Pagkakaisa ng Manggagawa sa Timog KatagaluganKilusan Mayo Uno (PAMANTIKKMU), factory worker, at residente ng Bgy. Majada Labas, dito.

Naging pangulo din siya ng Lakas ng Nagkakaisang Manggagawa ng Fuji Electric –OLALIA-KMU at miyembro ng national council ng Kilusang Mayo Uno.

Agad na namatay si Miguel nang pagbabarilin ng hindi kilalang suspek habang nakasakay sa kanyang motorsiklo na may plakang 3268 WG sa Kapayapaan Road Asia 1 sa nasabing lugar dakong 8:45 ng gabi, at pauwi na.

Kaugnay nito, sinabi kahapon ng Department of Justice (DOJ) na tutukuyin pa nila kung ang pagpaslang kay

Miguel ay isasama sa imbestigasyon inter-agency committee on extra-judicial killings (EJKs).