Bandera

Jokowi nagpasalam­at sa Pinoy surfer

Kalabang Indonesian iniligtas sa alon

-

SINO bang mag-aakala na ang pangulo ng isang bansa ang magbibigay-pugay sa Filipino surfer na si Roger Casugay matapos iligtas ang kalabang Indonesian na si Arip Nurhidayat.

Mismong si Indonesian President Joko “Jokowi”Widodo ang nagpasalam­at kay Casugay sa kabayaniha­ng pinamalas nito para sa kalabang atleta na tinangay ng malaking alon sa ginawang one-on-one race sa semifinals ng South East Asian Games sa surfing.

Ipinost ni Jokowi ang kanyang makapagdam­daming mensahe sa 24-anyos na Pinoy surfer sa kanyang official Twitter account @jokowi nitong Lunes.

“My appreciati­on to Roger Casugay, a Filipino surfer who gave up his chance to win the gold medal in a bid to help an Indonesian athlete who fell [into the sea] during the competitio­n,” pahayag ni Jokowi.

“Winning a competitio­n and upholding sportsmans­hip is important, but still, humanity is above all. […] Greetings from Indonesia,” dagdag pa niya.

Umabot sa mahigit sa 27,000 likes at 6,100 retweets ang nasabing post kahapon.

Maraming mga Indonesian­s ang nagpahayag din ng pasasalama­t sa ginawang kabayaniha­n ni Casugay.

Noong Biyernes, nag-viral sa social media ang larawan ni Casugay habang inililigta­s ang Indonesian surfer na si Arip Nurhidayat sa Monaliza Point, La Union, na ipinost ni Jefferson Ganuelas.

Isa sa mga larawan na ipinost ay si Casugay habang tinutulung­an ang Indonesian surfer na ang paa ay nasugatan at tinatangay ng alon habang nasa kalagitnaa­n ng kanilang laban.

Isang photo pa ang ipinost na magkasama na sina Casugay at Arip na kapwa na nakatayo sa surfboard habang papunta sa pampang.

Nakapag-uwi pa rin si Casugay ng ginto para sa men’s longboard surfing noong Linggo. - Inquirer.net

Newspapers in Tagalog

Newspapers from Philippines