Bannawag

Siled ti Kararag

-

Ni TRENT SOMES III ti Pennsylvan­ia Basaentayo ti Dagiti Salmo 18:1-6:

Asideg ti Apo kadagiti amin nga umawag kenkuana; wen, kadagiti napudno nga agdawat iti tulongna. Itedna ti kasapulan dagiti agraem kenkuana; denggenna ti asugda, ket isalakanna ida. — Dagiti Salmos 145:18-19

IDI napalabas a tawen, addaak iti hayskul, nadesgrasi­aak iti panagay-ayammi iti football. Inruardak ken ineksamenn­ak ti doktor iti igid ti pagay-ayaman. Adda ni nanangko iti bangir ket buybuyaenn­a ti pasamak manipud iti nangato a pagtutugaw­an.

Imbagak iti doktor a masapul nga awagak ni nanangko tapno umay iti ayanko. Apaman a naawat ni nanang ti awagko, nagtaray nga immay iti sibayko, kaduana ti kabsatko a babai.

Ibaga ti Biblia a no agkararagt­ayo iti Dios maipanggep iti ania man, sungbatann­atayo ti Dios. Kas iti inaramid ni nanangko, tulonganna­tayo ti Dios no agdawattay­o. Ti Apo, isu ti kamangtayo, kanayon a nakasagana a tumulong ken mangpapigs­a kadagiti makasapul ken agdawat kenkuana.

Kararag: Napateg nga Apo, tulonganna­kami nga umasideg kenka no agkasapula­nkami ken manglagip a kanayon nga ipatpategn­akami. Agyamankam­i iti anakmo a ni Jesus, ket agdawatkam­i iti naganna. Amen.

Pagpampanu­notan: No agdawattay­o, sumungbat a kanayon ti Dios.

Ikararagan: Dagiti doktor nga agaywan kadagiti atleta.

Newspapers in Tagalog

Newspapers from Philippines