Ading Kosinera

ADTOY ti maysa pay a resipe ti brown rice a parnuay ti Food and Nutrition Research Institute (FNRI). Namnamaenmi a magustuanyo.

BROWN RICE-ALAMANG SINANGAG

Dagiti ramen:

2 kutsara a manteka 1 kutsara a laya, nadekdek 1 bukel a bawang, naiw-iwa 2 kutsara a sibuyas, naiw-iwa ½ tasa a karne ti baboy, nagiling 3 kutsara a bugguong nga aramang

2 kutsara a sili, berde, iwaen iti paatiddog ken ikkaten dagiti bukelna 1/3 tasa a tomato sauce 2 kutsarita nga asukar, itunaw iti danum ½ tasa a danum 5 tasa a brown rice, naluto ½ tasa a kamatis, nagalip

Toppings:

1 bukel a naprito nga itlog, iw-iwaen 1 manteka asin ¾ tasa a mangga, saan a naluom, galipen iti paatiddog 2 kutsara a green onion, iw-iwaen

Panangisagana iti brown rice

Sukaten ti brown rice. Arasawen. Ilasin ti pagarasawan. Tunggal 1 tasa a brown rice, mangala iti 1¾ tasa a danum. Yuper iti 25 a minuto sakbay nga iluto. Babaen ti pannakayuperna, lumukneng daytoy ken maparuarna a nasayaat ti husto a ramanna.

Iti daytoy a resipe, mangluto iti 2 tasa a brown rice iti 3½ tasa a danum.

1. Ipapudot ti manteka iti pariok. Gisaren ti laya, bawang, sibuyas, karne ti baboy, aramang ken sili. 2. Inayon ti tomato sauce. Ikiwar a nasayaat. 3. In-inuten a nayonan iti danum bayat a kiwkiwaren. 4. Inayon ti brown rice. Ikiwar a nasayaat. 5. Inayon ti kamatis. Ikiwar manen a nasayaat. 6. Iwarakiwak ti green onions, mangga ken omelet. 7. Idasar a napudot. 8. Makaaramid iti 7 a dasar; 1 tasa ti tunggal dasar.

Mapattapatta nga enerhia ken sustansia nga imet ti tunggal dasar:

Energy, kcal 376 Protein, g 10.8 Calcium, mg 118 Iron, mg 1.8 Vitamin A, μg RE 92 Thiamin, mg 0.34 Riboflavin, mg 0.11 Niacin, mg 7.0 Vitamin C, mg 17.—O